تناسيني بنفس الموعد اللي به ذكرتيني
تناسيني بنفس الموعد اللي به ذكرتيني ... أنا ما أقدر أعيش اللي بقى لي من العمر بأوهام
عبس وجه الزمان وزاد لومه لاتلوميني ... بغى جور الهوى وأنهى سنين من صبر وأحلام
أبغفى كني الطفل الغرير ولا تصحيني ... أبي أرتاح من بعض الشقى ومن لعبة الايام
طلبتك كان لي في داخلك بعض الغلا إجفيني ... ترى حر الجفا أهون كثير من الوهم لو دام
سلام الله على وقت مضى وماصار به فيني ... خبا ظي القمر والشمس ماقد شعشعت من عام
هناك بعيد ويا الشوق غنيني وحبيني ... وهنا لاتقربي ضاق المكان بزحمة الأقدام
هواي العف يا أسما القصايد في دواويني ... أنا لي قلب مايقوى يضيم ولايبي ينضام
تخيرت أبتعد والصمت والوحده عناويني ... وإذا ودك تزوريني تعالي بس في الأحلام
|
06-19-2019
عضويتي 
العرض الشجري
