أنا اللي استاهل بقلمي الشاعر محمد البهلوان

اديني عايشها ولوحدي
واهي ايام .... وبتعدي

ومش فارقه كتير يعني
ده مين جنبي ومين ضدي

ما انا حبيته واديتله
كتير من حنان قلبي

واخرتها ونهاياتها
يسبيني جريح ولا يقوللي

زمان بينا غرام عشناه
ده كان اوهام ولا

حقيقة طب ليه ينسى
ويبيع الحب وفــ ثانية

انا اللي استاهل ومسألشي
عن اللي بباع فيوم حبي

لا قلبه حب ولا كانشي
في يوم حس الغرام قدي

انا اللي استاهل يا دموعي
مكانك يبقي علي خدودي

ما انا اللي بنيت في شيء فاضي
وهد فيا ومندمشي



كان واضح و من البداية
ده قلبه مكنيش يوم معايا

في الوهم نايم متغطي
يا قلبي ايه الحكاية

تحب ليه اللي جالك
وهمك بحبه ونادلك

ولما حبيت اهو باعك
سابك وقالك يالا امشي

انا اللي استاهل ومسألشي
عن اللي باعت فيوم حبي

لا قلبها حب ولا كانشي
في يوم حس الغرام قدي


بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات