في ظلال العشق

والله إني من نظركن استجير
ياعيون ن تكشف اللي بي بدا
آلجى لله في دروبك واستخير
واتهادى خير هادي في المدا
لا غنجتي يا تصاوير القدير
صحت روحي يابعد روحي فدا
يوم اثرتي قلب صبعه يستثير
لا احتدام ولا اصتدام ولا عدا
خلها تمضي وفي علم الخبير
دنيا ذقنا من حلاها والردا
بس آمانه ياهدب ذاك النظير
يا ألطف انعم مايقولون الندا
لا توهقني ترا وضعي خطير
في ظلال العشق طالبك الهدا
آآآه ياما شفت بالدنيا كثير
كم قلوب ن مفعمات وجرهدا
وكم قلوب ن لا تحس ولا تغير
لاقمر ساري ولا قمري شدا
ولو اعدد لك اخاف إنك تغير
واستفزك وانت ما غيرك حدا
بعد ربي يعرف اللي بالضمير
وتدري إني من الواحض مجهدا
يانفس كاذي ويا نفحة عبير
لا نروح واحنا ما جينا سدا
العمر شهقه ولكن لا زفير
مهما حظك هرول وقتك عدا
مثل فرصه وقتها جدا قصير
هي نحتني وصرت عنها مبعدا
يأول آخر من خذاني من الأخير
إيه احبك ولو يغار الأثمدا
يوم رمشك شدني شد الأسير
طحت كلي من علوي جلمدا
بين طانع وبين عيين مايصير
تملكيني بقول شوفو ماله دا