ست الستات بقلمي الشاعر محمد البهلوان

ست الستات بقلمي الشاعر محمد البهلوان


ست الستات
يا قمر يا شربتات
ملكيش في الحسن اخوات
مين زييك عندهم
في الحسن يا ناس
ولا لؤلي ولا الماظ
دي غالية مش ببلاش
ودي احلي منهم

ست الستات
في جمالها الورد يبات
لما بتضحك رنات
وتغيظهم كلهم
..................................................

حنيه دي ايه
والرقه وعلي اللي انا فيه
دوبت طب هعمل ايه
دنا قلبي حبها

ده عيونها غزال
عسلية ورمش محال
تمشي بيقوم زلزال
ما تحني خلاص بقى

قلبي يا مسكين
هتشكي قوللي لمين
دي الحلوة تعبت ملايين
في الجري ورا قلبها

طب اروحلك فين
ما تقولي يا نور العين
ما بقيت من المجانين
حنى علي بلقاء

ست الستات
في جمالها الورد يبات
لما بتضحك رنات
وتغيظهم كلهم

ست الستات
يا قمر يا شربتات
ملكيش في الحسن اخوات
مين زييك عندهم
في الحسن يا ناس
ده ولا لؤلي ولا الماظ
دي غالية مش ببلاش
ودي احلي منهم

مين زييك ليل
شعره ناعم بيطير
عاشق والصبر جميل
نفسي انول الرضا

اه من دي خدود
وشفايف اه من العود
قوام ياناس مظبوط
معكي كل الهنا

باسهر اوقات
والساعة تعدي ساعات
لو تقوليها الحكايات
تحلى ويحلى الهوا

تعالي خلينا
علي الارض حروف اسامينا
في الكوشة مع بعضينا
عروسة وعريس انا


ست الستات
في جمالها الورد يبات
لما بتضحك رنات
وتغيظهم كلهم

ست الستات
يا قمر يا شربتات
ملكيش في الحسن اخوات
مين زييك عندهم
في الحسن يا ناس
ده ولا لؤلي ولا الماظ
دي غالية مش ببلاش
ودي احلي منهم

يحظر نقل او نسخ العمل دون الاشارة للمصدر وصاحب الكلمات