لاذكرتك جاء على بالي سؤال

لاذكرتك جاء على بالي سؤال .......... ممكن الأيام تجمعني معاك ثم أغوص بوسط غابات الخيال .......... وأتخيل كيف هي لحظة لقاك أترك التفكير وأقطع هالمجال .......... لان فكري ماقدر ياصل مداك قمت أطالع فاليمين وفالشمال .......... وقمت أردد غلطتي والله هواك قبل عيني تبخل بدمع الرجال .......... وهان دمعي عقب ماقلبي حواك كنت عاقل بس جا عقبك هبال .......... ومن نقدني قلت ربي مأبتلاك أدري إن الشعر في وصفك محال .......... بس أبى أكتب يمكن يبين حلاك ذقت منك المر والعذب الزلال .......... وشفت فيك إنسان في صورة ملاك صورت(ن) فيها تعابير الجمال .......... أتفكر فيك وأشكر من عطاك منطقك معسول به غنج ودلال .......... والورود تغار من نفحة شذاك وأتعسر وصف هالسود الكحال .......... خص لابانت بعد بسمة شفاك باقي الأوصاف شي مايقال .......... خوفي إن الناس تسبقني تباك كاملة ولخالقك كل الكمال .......... ياعسى ربي من العين يحماك ذاب قلبي فإنتظارك يالوصال .......... طالت الأيام وأنا في رجاك أبدع الأوصاف ببيوت(ن) جزال .......... علها تبري عذابي من عناك التفاؤل في فؤادي لايزال .......... والله أنه مابغى قلبي سواك