لاتخذل الروح ثم تخز خاطرها

الله يجير الغلا .. ويسامح أشواقي وجروحي اللي معي شابت صوابرها !! . مدري يموت الوله وتعزّي احداقي !! ولا يطول العنا في قلب صابرها !! . عليك سقت العتب دام الغلا باقي !! لا تخذل الروح .. ثم تحز خاطرها !! . والله لو لا هواك وقمّـة اخلاقي !! اني من اول غياب اقص دابرها !! . لكني أعشقك عشق الورد لـ الساقي لا والله عشق الكويت لـ شوف جابرها !! . لكن تخيّـل .. [ اغيب ] .. وقلبك الشاقي !! وازعاج الأشواق يوجع وانت خابرها !! . تقدر تحمّل كذا .. يالمترف الراقي !! ولا تعزّي جروحك مع مشاعرها !؟ . ياخذني الليل .. ويسمّي على اوراقي والشمس تطلع .. وتزعجني ستايرها !! . على رجاء جيّتك ما ينثني ساقي حتى خطاياك قابلـها وعـاذرها !! . يا كثر ما اكتب عتب من صادق أعماقي لكن بعضها تموت بـ صدر شاعرها !!