لشخص ماااااا ................؟ تراك أجمل عمر عشته

فمان الحب !
فمان أجمل عمر عشته
فمان الشوق،
فمان أصدق هوى شفته
كثر نبضي، وبعض خوفي..
سلام.. أعذب من سنيني.
أودع ناظري، قلبك، شعوري..
وادفنك فيني.
أحبك، واخدع البسمة
وأسافر لك... هوى، نسمه !
في كل ليلة، أغنيلك..
- قمر انت وأنا نجمة -
تصدقني...!
تحس فيني...!
أموت بـ صمت، وأنا أرحل.
أحس كل شي رجف فيني..
أحس قلبي يبي ينشّل !
أحبك،
في زمن كاذب..
عرف وشلون يخدعنا !
لعب فينا، وجمّعنا..
وصدقناه وآمنّا.
وحبينا بعض، وشلون ؟
بلا موعد تواعدنا.
وسافرنا مدن، وبلاد..
على متن الهوى.. طرنا !
وجا هـ اليوم... وفرقنا !
ضحك !
كثر الهموم اللي نثرها في خواطرنا !
أحبك،
يا اصدق احساسي،
وحبك ما أظن كذبة !
وهو أجمل عمر عشته
وهو أصدق هوى شفته
وداع...
أقسى من أيامي.
هوانا مات قدامي !
وكنا عاجزين احنا
وتفارقنا !
بـ تنساني...؟
يجي هاليوم وتنساني !
وأصير بـ خاطرك ذكرى.
بقايا طيف... أثر عبره !
حبيبي...
ما أبي تنسى !
هواك بـ داخلي صنته.
وصدقني..
ترى ما زلت أنا أدعي
في كل ركعة،
وفي كل سجدة،
يجمعنا الزمن مرة.. على غفلة،
ويسعدنا !
في دنيا غير هالدنيا.
في لحظة غير هاللحظة !
أحبك حيل..
لا تنسى !
تراك أجمل عمر عشته
تراك أصدق هوى شفته