شوية نصايح كده ع السريع هتفيدك في مطبخك وبيتك باذن الله

غلاي الشاي اللي بالكهرباء مينفعش
ميتغسلش ويتنضف كده بالشهور
اغسليه كل اسبوع واغلي فيه كركديه
واتفرجي ع اللمعان هينور ده لو
استناليس الزجاجي مية وخل وملح

مرايات البيت عاوزاها تنور كده
وميبقاش فيها علامات ادعكيها بسلكة
مواعيين ناشفة وادعيلي

في اختراع اسمه صابونة البقع
بتخلي الالمنيوم يرجع جديد
والاستاليس ينور ويسلام لما تغسلي بيها
حوض المطبخ هيبقى بيبروج ياولا

حطي كوبايه خل في زجاجة صابون
المواعيين هتخفف من اضراراه
وتقتل البكتيريا وتلمع الحلل

لما تعملي اكل مثلا مكرونة باشاميل
شيلي منها قطعة او اتنين في علبة
وحطيهم في الديب فيريزر
وتاني يوم مثلا عملتي محشي
شيلي طبق برضو وتالت يوم مثلا عملتي بانيه
شيلي كام قطعة برضو لحد اخر الاسبوع
هتلاقي عندك كام حاجة
من كل حاجه طلعي وسخني علطول
واهو يوم ارتاحتي فيه من الوقفة في المطبخ

علشان مطبخـك يبقى نضيف علطول
خصصي ربع ساعة كل يوم تعملي
فيها حاجة خاصة للمطبخ
مثلا السبت
في الربع ساعة دي تروقي كام ضلفة
ف المطبخ وتمسحيها وتلمعيها
تاني يوم تكملي المطبخ اليوم
اللي بعده تفرزي التلاجة وتظبطيها
اليوم اللي بعده اغسلي طقم التوابل
وتشوفي اللي ناقص وتمليه
اللي بعده رفة الخزين
وهكذا هتلاقي مطبخـك فلـه
من غير ما تحسي

اعملي حصالة خاصة بالمطبخ
ارمي فيها اي فكة كل يوم واخر الشهر
اللي هيتحوش هاتي بيه حاجة
ناقصة للمطبخ ورق لزق للبوتجاز
مج شكله حلو فوط جديد بدل القماس
المقطع اللي بنمسك بيه الحلل هاتي
استيكر للتلاجة هتلاقي مطبخـك حلو علطول
لكم خالص تحياتى وحبى
الدكتور علـى