ما هو معني ويمنعون الماعون

ما هو معني ويمنعون الماعون
يعني حد ناوي يُخرج صدقة لوجه الله فتقوله
بينة ولا دليل :
أنا مش مستريح للناس دي فيشك فيهم ويغير رأيه
يعني واحد جايله مكافأة في عمله فتقف له فيها
وكله بقدر الله طبعًا
يعني زوجة نفسها تجيب هدية لزوجها
ولما تستشير صديقتها ترد تقولها:
مالك مرمية عليه قوي كدا ليه فتخليها
ما تجيبلوش حاجة وتتغير معاه
يعني أب عايز يشتري لبنته حاجه فزوجته
تقوله الولد أولى فتكون سبب فى منع خير جي للبنت
يعني واحد ناوي يتقدم لواحده
فاللي حواليهم يشتغلوا بينهم بالنميمة حسدًا
يعني عمل خير هيبدأ فنعمل نفسنا ناصحين
وخبرة وبنوعي الناس علشان مصلحتهم
فيتوقف عمل الخير أو يمشي أعرج أو يمشي
بفريق عمل كارهين بعضهم
يعني إيه ويمنعون الماعون
يعني أرحام مقطعة
وخير مبتور وفساد ذات البين
وبناء وعمار لا يكتمل ؟
يعني إيه ويمنعون الماعون
يعني ربنا يهيئ لنا أسباب الخير
واحنا اللي نسعى في منعه من أجل الهوى
فَوَيْلٌ لِّلْمُصَلِّينَ الَّذِينَ هُمْ عَن صَلَاتِهِمْ سَاهُونَ
الَّذِينَ هُمْ يُرَاءُونَ ويمنعون الماعون
حذار فقد توعّد الله من يفعل ذلك بالويل (جهنم)
مع إنه بيصلي ولكن كان سبب رئيسى
فى منع خير لحد من أجل الهوى
إمسك لسانك :
قال ابن المبارك رحمه الله لا أعلم بعد النُّبوَّة
درجة أفضل من بثِّ العِلم
اللهم صلِّ على محمد وعلى آل محمد
كما صليت على إبراهيم وعلى آل إبراهيم
إنك حميد مجيد
اللهم بارك على محمد وعلى آل محمد
كما باركت على إبراهيم وعلى آل إبراهيم
إنك حميد مجيد
لكم خالص تحياتى وتقديرى
الدكتــور علــى