ما بتحبكش الشاعر عمرو حسن
بتتعب ليه وتزرع أرض مش أرضك
وليه سهران
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض !
مابتحبكش والله
وكل اللي اتعمل بينكم حكاية وقت مش اكتر
كلامك كله كان عادي
ووردك مرمي ف الشارع من الشباك
بتضحكلك وتبقى معاك
وتحلفلك تكون وياك
مابتحبكش
بتبني ف ايه ؟
بتنكر ليه كلام واضح كضي الشمس
بقالك قد ايه مشتاق
لواحده كان لقاها فراق
وكنت معاها طفل كبير
حكيت للكل عنها بدون ماتتكلم
وكنت تشوفها فتسلم
وكنت تشم بارفانها فتعرف دارها ومكانها
وتعرف كل الوانها بلمسة ايد
ادي العيل ف وصف العيد
لا نفع الشاي ولا الحكايات
ولا الاحلام ولا البدايات
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك
10-16-2022
عضويتي 
ما بتحبكش الشاعر عمرو حسن
العرض الشجري
