وأقولك أيه

وأقولك أيه


أحكيلِك بَسّ واقولِك إيه
عن شوقي ليكي غُلُبت اداريه
ولا قادر أتحَمِل وجَعُه
ولا حتى عارف اعمل فيه إيه

حبيبتي حتى النوم ما بنام
وإن نمت تجيني في المنام
وبسمع منك احلى كلام
قوليلي انا اعمل معاكي إيه


في كلامي وسكوتي انا فاكرك
كتاب ما بين إيدي بذاكرِك
حفظت تفاصيله وفاهمِك
واعيد وازيد من تاني انا فيه

حبيبتي حتى دموع العين
نازلين من شوقي مشتاقين
بيسألوني حبيبتنا فين
مش لاقي كلام اقولُهم إيه

وجَعتي قلبي من شوقي ليكي
كفايه بقا الله يخليكي
انا كده فعلاً هموت عليكي
ولو مش ليكي هعيش انا ليه

أحكيلِك بس واقولِك إيه.