ياهـلا باللي عـيوني ما تـمله!!

ياهـلا باللي عـيوني ما تـمله
من لناغـيره بهالـدنيا حـبايب

مـنزلة في خـافقي ما حدٍ وصلـه
جيت له في لهفتي حاضر وغايب


لـك حبيب صار طـيفك مثل ظـله
مثل وصل العشب مع ديما السحايب


صب عشقك فوق جمر الشوق كله
لين يصبح من لهيب الشوق ذايب


كـل درب في شـراييني تـدلـه
لاتـقول أنـك عن التعذيب تايب


سيف هجرك في عتابك لاتسله
يابعد كل الحضور اطف اللهايب


تعـقد حـجاج الـزعـل والاتـحـله
هاجسك لوغاب من سبع العجايب


ياحـبيبي لـك مـعالغـيبات طـله
والنهاية جيت لك وأنت السبايب