تركت لك بالقلب بصمة وتوقيع

ياصاحبي خل السر بيننا لايذيع
الحُر حُر دوم يكتم علومه

ناظر يدينك واختلاف الأصابيع
كل اصبع وله علامات مرسومة

البارحة قضيت ليلي كله تقاطيع
الله يعين من كثرت همومه

بي هم مزع القلب تمزيع
الشين شين ياشينه شينة علومه

ناس تشري بعضها وناس تبيع
ناس جبارة وناس ياهي رحومة

قلبي تحطم من كثر المواجيع
الله يلوم الجاهل اللي يلومه

ياصاح امر وانا لمرك مطيع
ارفق بحال غدت منك معدومة

ياصاح الذي بيننا ارجاك لايضيع
ارحم صاحبك تراها ضاعت علومه

تركت لك بالقلب بصمة وتوقيع
فداك الروح هذي اشياء محسومة

خليك من باقي السوالف والمواضيع
عساك رزقي ونصيبي والارزاق مقسومة