طريقة التعامل مع النقد الثقيل

فيه ناس لما بتيجى تنتقدك للأسف لاتحسن النقد
ممكن تقوله على الملأ
ممكن تقوله بشكل ساخر
ممكن تكثر من النقد فى حين لاتمدح حاجة حلوة ابدا
ممكن تقولها بشكل مهين يقلل من قدرك و كأنه بيستقلك

و انت ممكن تحسها زى الدبشة الى خبطت فى وشك
ممكن تحس بالحرج و الخجل و خاصة لو كانت على الملأ
ممكن تحس بالغضب لو فيها اهانة و خاصة لو فيها سخرية او تقليل منك
ممكن تحس بتأنيب الضمير
ممكن تحس بالحزن

أولا : اعترف بمشاعرك فى الوقت دا و حاول تعرفها و تهديها
فيه أدوات كتيرة بتساعدك على تهدئة مشاعرك دور عليها و اتعلم ازاى تمارسها

ثانيا : بعد ما تهدأ شوف العلاقة و اهميتها بالنسبة ليك
النقد من أحد الوالدين او مدير مثلا
غير النقد من صديق
غير النقد من حد غريب ما تعرفوش او علاقتكم سطحية جدا

ثالثا : درب عقلك على التصرف الصحيح مع اى حد بينتقدك بشكل متكرر

يعنى لو حد بعيد و علاقة مش مهمة ممكن تحرجه و تقوله : و انت مالك
او محدش طلب رأيك
او من فضلك لا اسمح بهذا النقد مرة تانية

لكن لو صديق هتتكلم معاه بمنتهى الاحترام

انا مقدر حرصك على و رغبتك فى انى اصلح من عيوبى لكن كنت اتمنى انك تعمل (كذا)
انك مثلا تنصحنى بينى و بينك
او انك تكون متحمس تقول الايجابيات زى ما انت متحمس تقول السلبيات
او انك تتكلم من غير سخرية
حسب الحاجة الة وجعتك بالزبط

أما لو كان حد كبير زى احد الوالدين او المدير او الاستاذ مثلا
لازم تكلمه فى منتهى الاحترام
و تقوله انا متفهم جدا حرص حضرتك على توجيهى و نصيحتى لكن انا حسيت بالألم لما حضرتك عملت كذا

لما بتتكلم باحترام و ذوق

بتعبر عن احترامك للآخر و تستحسن نواياه
بتعبر عن مشاعرك و ألمك
بتقوله البديل يعنى كنت اتمنى حضرتك تنصحنى بالشكل الفلانى

رابعا : أعد تقييم النقد و هل هو حقيقى و الا غير حقيقى
لو حقيقى استفد منه و اتعلم و دور و ابحث ازاى تقوى ن الضعف دى و تغيرها

ولو مش حقيقى اسأل صديق مقرب فى رأيه

مؤكد اننا هنتألم من النقد المؤذى الهدام
بس ازاى احول الالم الى امل و تعلم و تطوير هى دى الشطارة