مع السلامه تروح ومنك يكفيني

مع السلامه تروح ومنك يكفيني
جرح مكن بالضلوع العوج واشقاني
تجرح وترجع تقول اليوم وشفيني
ارجوك يكفي تراني مت باحزاني
الى متى والدموع الزرق ترثيني
والى متى وانت بالهجران تبلاني
ودعتك الله وتلقى وانت طاويني
غيري من الناس تلهابه وتنساني
رح وابتعد وانتبه لا تلمحك عيني
يكفيني اللي مضى بعيش وحداني
الحب ماهو على يومك تعنيني
اهلكتني بالطعون وكثرت اشجاني
يا ما عطيتك ولا قد شحت يديني
ويا ما تحديت فيك اللي تحداني
كذبت هرج العذول اللي يبكيني
وخليتك بعيونهم تاجي وسلطاني
كنت احسبك للجروح اللي تقطعني
دواي واثرك تزيد الجرح بالعاني
كنت اجمل الحب واجمل مافي سنيني
وحيت من شانك ربعي وخلاني
فتحت لك كل باب في شراييني
واعطيتك الحب من قلبي ووجداني
واليوم خابت ضنوني يا مشقيني
ودعتك الله وتلقى واحد ثاني
لا تعود انا في الهوا ما عاد يمديني
احب منهو سباب دمعي الداني
يرثيك شعري وشعري بك يعزيني
في قلبك اللي جحد بالود واغماني ..