تبي الوفا من صاحب هو تناساه

يا ناظم بيوتك بصوت المناداه
وانته على علمٍ بوضعه خطيري

تبي الوفا من صاحبٍ هو تناساه
وماطاب لك طيب الوفا بالمسيري

ياما تعبنا من عشيرٍ عشقناه
عشق الحلال وكأس غدره مريري

لين انتهى فينا مطافه وعفناه
عوف الذي من ضيم وقته كسيري

ولو كان جاني بالندم ماقبلناه
حيثه سبب دمعٍ تحدر غزيري

والله لو صب الذهب كلّت يمناه
ماترغبه روحي وخافي ضميري

سكرت بابٍ في مجاله ولقياه
لو يفرش دروبي بسلك الحريري

واليوم من فالحب قلبه ضمناه
لاهو ذهب ونحاس شيٍ مصيري

جيد بتأليف القصص في حكاياه
لو زعمه المكشوف ماله نظيري

واللي رشيدٍ مبتعد عن قضاياه
مرتاح من كثر السعادة بطيري