اختصرت بداخلي كل الحكي

التفت لي طالع بوجهي شويّ
شوفها كل العناوين بعيوني

واطوي الأخبار والأحداث طيّ
واقلب الصفحة على غمضة جفوني

شوفني واقرا من الأخبار شي
تحترق فيه المعاني لو يجوني

التقينا ملتقى ميّت و حيّ
وافترقنا يوم زادت بي طعوني

لو عطوني من عيون الناس فيّ
بستريح من العنا ، بس ماعطوني

لو تجامل في كلامك ثم عيّ
راضي بكذب المشاعر يلحقوني

اختصرت بداخلي كل الحكي
واختصرت بنظرتي آخر شجوني

لو تغيب تغيب حتى لو تجي
الحضور الي تساوى في ظنوني

صاحبي ياصاحب الصوت الشجي
يا ملايين المشاعر لا احتووني

كنت في حضرة وجودك أنتشي
وانت وبنفس اللقا لكن بدوني