يا ناعم العود ( هنيالي )

يا ناعم العود مزحك يذبح وجدك
يذبح وانا كل ما جا منك يحلالي
الله الله يا فتان من جــــــــــــــدك
حتى عيوني لوصلك مودها سالي
طاحت دموعي غرام قلت وشحقك
يا دمعتي تنزلين ومرتبك عالــي
قالت مكاني خلقه الله على خـــدك
ولا عيونك مكانها صاحبك الغالي
محلاك محلاك قالت للشهد ندك
حتى الشهد ما ينافس تسريقة الحالي
اهواك واغليك واقدرك واودك
والحن بشوق واغنيلك موالي
اهد بفراقك الدنيا ولا اهدك
ابني بوصلك طموحاتي وامالي
برودة الشوق تتفافي حضن يدك
حرارة الوصل تبرق لا تهيالي
احط راسي على منحرك واسدك
عن حب هالناس لانك حبي الحالي
قلبي يموت فغلاك ووصلي يشدك
غلاك في خافقي صورتك في بالي
ولن فنى رمش عينك وانتصب قدك
اشوف لون القهر فعيون عدالي
ويقول قلبي هنيالك ومن قدك
وانا اردد مع قلبي هنيالي