ماكنت ادور عذر واعذارك إكثار

ماكنت ادوّر عذر واعذارك إكثار
من وين اجيب الحرف واكتبك فيني
اعاتب الفكره واغنيّك تذكار
في حنجرة خالد غلا من حنيني
اسولفك اكتبك ب إصرار وإصرار
واخلق مساحة ضيق ل متابعيني
وافرد جناح الوجد وأطيّر أفكار
من اولك لآخر غلاك الدفيني
تعال اسمع من حكاياي مقدآر
وعلّم جنون الحرف لا يرتجيني
ان كان مر مواصلك دون تذكار
تذكارك آسمى من حروفٍ تجيني
ياما كتبتك وسط غربه من اسوار
وياما زرعتك شوف في موق عيني
وياما عزفتك في مواويل الاشعار
حتى غديت من الليالي حزيني
تعبت من كوني غريبٍ عن الدار
في غربتي عايش واحسب سنيني
تعال وإنسى الهم مابيلك اعذار
مبطي غيابك يكتبك في جبيني
ملت امانيي على الوجد تختار
متى اشوفك للقى تحتويني