عاندت أنا الأيام ما خفت ما هبت

العام عنك كابت رغبتي كبت
واليوم باح السد ما فاد كبتي
عالجت جرح العام لا شك ما طبت
وانتي بدون علاج وشلون طبتي
عاندت أنا الأيام ما خفت ما هبت
صدقت وأنتي في وعودك كذبتي
حاولت أبي انساك غبت وتغيّبت
وأنتي بعد في زحمة الناس غبتي
صحيح أنا اللي في حياتي تعذّبت
وأصبحت أنا المغلوب وأنتي غلبتي
لكن عزاي اني تصوّبت وصبت
بقلبك كتبت اللي بقلبي كتبتي
أنا وفي من واقعي ما تهرّبت
واجهت نفسي يومك أنتي هربتي
أرض الصبخ ما عمرها تنبت النبّت
وأرض العطا تعطيك مهما طلبتي
ما نلتقي مثل الثلاثا مع السبت
نبع الحنان أنتي بلحظه نظبتي