على الهون

على الهون


ياقلب يالي بيـــــــن الاضلاع حره

هون تراء دنياك ضيقات وسرور
ولاينجبر مخــــلوق في مايضره
وماقدره ربــــي فلا منه محذور
والعمر مهـــما طال تاليه حفره
وياحظ من له نور في دار مهجور
ويقــــــــول ابوراكان لله دره
من عاش بين الناس بالطيب مذكور
لامات يبقى بين الاجــواد ذكره
والطيب له الطيب سنه ودستور
ومسكين يامن مذهب الشر غره
يعيش بين الناس منسي ومنكور
البارحه سامر واشوف المـــــجره
وارقب نجوم السماء يوم انها تدور
واقيس كبر الكون بحره وبره
واشوف صغر الشخص ذي يشكي الجور
وغلطان من هو يحسب الناس بأمره
ويقول انا وحدي معـــــــلم ودكتور
وهو مازهد للبحر مده وجزه
ولا سبح في داخل امواج وبحور
والشعر زاد الي عناء الوقت فره
وعالج همومه بقيفان وسطور
وانا درست الشعر فصحى ونثره
ولي في الشعر قصه وساحه وجمهور
عايــــشت كل الوقت حلوه ومره
وخضت التجارب صدق راضي وجبور
وشفت العناء والويل كره وكره
وواجهت وقتي مثل مالحال ميسور
من شان لايشمت ردي شب جمره
اوجه الموجه ولا اسير مكسور
والقلب من ماشاف ياكبر صبره
كنه جبل شامخ على وادي الطور
اخيل كبر الكون واحيان صغره
واجر ونة قلب ضايق ومهموم
ويالله يامنزل من الغيم قطره
يافاهمن بالحال ظاهر ومستور
فرج على قلبٍ شكى ظلم دهره
ياخالق الظلمه ويافالق النور