اعطيك وعد

عطيتك وعد ماجيك مشتاق

عطيتك ماجيك مشتاق


حنا ليا منا وعدنا وفينا
وانا عطيتك وعد ماجيك مشتاق

وقلنا سلينا لونا ماسلينا
انته طلبت فراق واعطيتك افراق

ياصاحبي لو الامور بيدينا
ماكان سقنا شيء ماهو بينساق

يوما لنا وايام تاتي علينا
وايام لاوالله نوقف على ساق

صلفين لاضاق الزمن وابتلينا
لجل الكرامه نرخص اعمار واعناق

ياكم بسوق العز بعنا وشرينا
على النقى كلماتنا مابها انفاق

سمحين لا منا هوينا هوينا
نمشي على سلم المحبه والاخلاق

طبايع الغيره عليها ربينا
نحفظ حقوق احبابنا وسط الاحداق

يمشي بنا المقسوم غصب علينا
واقدارنا تنطاق لو هي ما تنطاق