يـا بنـدر ابـن ســرور ويــن أنــت هالحـيـن !!

تدري وش أكبر ذنب في الشرع و الدين؟!..إنــــك تــســب الــلــي خـلـقــك و تــذمـــه
و تـدري وش أكبـر عيـب عنـد المياميـن؟!..انـــك تـخــاوي لـــك مــــن الــنــاس رمــــه
و تـدري وش أخطـار التجـاوز مـن يميـن؟!..إنـــه يـكــون الـلــي عـلــى الـبــاب عــمــه
والمشـكـلـه لا سلـهـمـت فـيــك بـالـعـيـن ؟...والــريــح تـنـثــر فــــي شـعـرهــا وتـلــمــه
يـضـيــع فــكــرك بــيــن حــــد الحـجـاجـيـن ؟...ويـمـكــن تـجـيــب الـكــارثــه و الـمـطـمــه
و تدري وش اللـي يدبـل الكبـد ويشيـن؟!..بـعـض القصـيـد الـلــي عـلــى غـيــر يـمــه
يـا بنـدر ابـن ســرور ويــن أنــت هالحـيـن ؟ويـــن أنـــت يــــا زبــــن الأمــــور الـمـهـمـه
ويــن القـصـيـد الـلــي يـــدك المـيـاديـن ؟!.و يــهــز شــيــخ فــــوق رأســـــه مـعــمــه
الـشــعــر والـشــعــار صــــــاروا عــنــاويــن ؟...ومـهــبــل تــشـــري الـقـصـيــد وتــصــمــه
صـــاروا مـثــل مـــا قـــال لـعـبــة وراعــيــن ؟...وكـل(ن)تــربــع لـــــه عــلـــى رأس قــمـــه
يـقــول أنـــا الـشـاعـر و غــيــري مـجـانـيـن ؟...ودك عــلـــى مـجــمــع حـنــوكــه تــخــمــه
الـنـاس تـذبـح فــي الـعــراق و فلسـطـيـن ؟...وقـصــايــده يـــــا حــلـــو عـيــنــه وفــمـــه
عسـاه يؤخـذ فـي الضـحـى قـولـوا (آمـيـن) ؟...الـلــي بـنــات الــنــاس شـغـلــه و هــمــه
أحـــد يــحــاول ســتــر عــــذراء البـعـيـديـن ؟...وأحــــد يــــدور بــالــردىء بــنـــت عــمـــه
قـــد قـالـهـا بـنــدر قــبــل عــــدة سـنـيــن ؟...يــثـــور مـعــهــا الـــحـــر و يـــثـــور دمــــــه
ولا الــــردي لــــو مــرتــه بــيــن قـوســيــن ؟...تــــزول عـــــن عـيــنــه مـــــزول الـمـغـمــه
يـا بنـت شومـي عـن أهـل الضعـف تكفـيـن ؟...مــالــك ومــــال الــلــي قــريـــبٍ مـجــمــه
والـشـاعـر الـلــي مـــن رجـــالٍ مـسـمـيـن ؟...عــلــيـــك فـــــــرض لازم إنـــــــك تــتــمـــه
الــــدار .والــعــادات .والـسـلـم.والـديـن ؟...ثـــم عـقـبـهـا وجّــــــه عــلــى أيــــاة يــمــه


الشـآعر ../ نآيف بن عرويل العتيبي