خوفي عيون الناس فينا تحلا

عزاه ياقلب من الهم مكتوف
عيا يطيب ويهتني ويتسلا
غدا كما طير من الريش منتوف
أدهر عليه الوقت والريش ولا
أسير أقدامي على راس شفشوف
مدري يمين أروح ولا شملا
كل الدروب سدود ولحود وحيوف
( والمستقيم ) أرضه جلادٍ وجلا
خوفي من اللي ما حسب لي بمعروف
إذا لقى غلطه علي إستغلا
وأنا اتذرا وأكتم الحزن بالجوف
وأضمد جروحي على حظو ملا
وأشوفها وأغظي ولا عدي أشوف
وهي تحسبني في هواها أتغلا
أغضيت عنها تقل ماني بمكلوف
خوفي عيون الناس فينا تحلا