في غيابك ؟ ملتهب قلبي على جمر إنتظاري

لا تساورك الظنون ولا تساورك الطواري
عادك أغلى من عشقت وعادك الحب المبدّا
_
وعادك اللي كل ما هب الهوا والليل ساري
أذكرك وإذا ذكرتك ( سال غيم و ورّد ندّا )
_
في غيابك ؟ ملتهب قلبي على جمر إنتظاري
والحزن ؟ إن ما تعشى من قفص صدري ؟ تغدا !
_
ذي طيوفك من يميني و ذي طيوفك من يساري
تطرق فـ باب الطواري .. طيف جاب و طيف ودا !
_
والله إني في محيا وجهك الطاهر .. أماري
وكل شخص يمرني عقبك .. أمره و أتعدا
_
في محطات العمر ما كنت من ضمن إختياري
القدر جابك .. وأنـا ممنـون للأقدار جدا
_
ياحبيبي وأغلب العشاق من ( بايع و شاري )
يوم أنا من كثر ماني واثقٍ فيك .. أتحـدا !
_
أنت ..مثل الحاكم اللي دون شعبه نهر جاري
و أنا مثل الصامل اللي دون حاكمه .. يتـفدّا