يالبى قـلبه كل ما قــاللبــيه

يالبى قـلبه كل ما قــاللبــيه
.............. ويالبى صـــوته/ كل ما قال :لي هــاه

بالحالتين ان ترجمت شفته / إيـه
.............. أضـــيع مـن كلي وادورنــي ما القـاه

يشل عقلي كل ما جيت أحاكيــه
..............وأنسى أني أصلاً/ كنت في شي أبغاه

أذوب في حرفه وصوته يحليــه
................. واللي يجنـــني إذا حـــرّك إشـــــفاه

وتعانقت من نشوة الشوق/ والتيه
.............. وش حيلتي غير التناهيـــــــد والآه

يضماه سمعي وانتظر لين يرويه
................ والمشكله حتى وهو يمـــي أضمـــاه

حُبه مثل | طـير ٍ| يبي بيت يأويــــــه
.............. وانا ادري انه داخل القلب مــأوآه

وحده بقلبي دوم محدٍ يســـاويه
.............. وانا بقلبه طول هالعـــــمر أمــلاه

الشوق محدٍ غير صوته يداويه
.............. ويجــذ نار الغيض فيني من اقصاه

صوته مطـر في جيته/ في تجليــه
.............. تطفي عذوبة قطرته شوق مضناه

صوته صدى تغريد طيرٍ يغنيــــه
.............. صوته نسيم الصبح في طلعة إضياه

صوته نغــم تطربني رقة اغانيه
.............. صوته عليه أدمنت ودواي من داه

صوته هدير الموج لامر شاطيه
.............. وانا بشوقي كل ماالريــــــح وداه

يذهل شعوره مسمعي كل مدعيه
.............. كـني على ضفة بحــر يحتري مــاه


أرقب طيوفه كل ما زارني فيــه
.............. ويدق قلبــــي كل ما مر طريــــــاه

وان حظّني وقتي بشوفه اداريه
.............. عن كل مخلوقٍ يضره وانا معـــاه

ما ودي حتى الشوك تلمس برجليه
.............. واغار من نسمه/ تداعب محيــــاه

والود ودي وسط عيني أخلـــيه
.............. والحفـه رمشي وبالعين أدفـــــاه

واضمه بصدري وألمه واراعيه
.............. واقبله من هامته لين ما طـــــاه



يعيش بي حلمٍ سرقني بيديــه
.............. واعيش به واقع مَلك كل ما جاه

لين أوصل بشوقي لحده واناديه
.............. واحاول القاني وانا ضايع ويــــاه

ويرد لي من رقة إشفاه | لبيه |
.............. واضيع من ثاني /وانا اقول له |هاه..!|

آنتقاء رآئع ومفعم بآلجمال وآلرقي..
يعطيك آلعافيه على هذآ آلجلب ..
وسلمت آناملك آلمتألقه لروعة طرحهآ..
ودي لك ولروحك ..!~

‘‘ سَلآمٌ يَتَقَاطَرُ شَهداً علىْ مُتَصفحكُم لِـ نَلتَحِفُ بَينَ شَهَقاتِ ألأبِداعِ دُمتُم رَمزاً لِـ العَطَاءِ والرووعة شُكرأً بِـ حَجمِ السَمـآء وَأكِثرَ وَلكم الود أّمَدأً,,‘

ابيات رائعه
صح لسان شاعرها ويد ناقلها
احسنتي الاختيار والطرح
يعطيك العافيه
دمتي بسعاده

طرح في غايه آلروعه وآلجمال
سلمت آناملك على الطرح الاكثر من رائع
ولاحرمنا جديدك القادم والشيق
تقديري

يعطيك الف عافيهه
على جمال الاختيار
و الطرح
قصيدة جميلة
روعاتكك