سقى الله ما مضى

تجيني بعـد مـا حبيـت غيـرك

حبيبـي ليـه هاللحظـة تجينـي


حسايـف تـوك تغيـر مسيـرك

تجي يوم انطفت شمعـة حنينـي


صبرت سنين أبي صحوة ضميرك

ولا فكرت في اللي صـار فينـي


زرعتك ورد واشتقـت لعبيـرك

خسـارة مالقيتـك فـي يمينـي


بكيت من العطش وأنـا بغديـرك

شربت من الظما دمعـات عينـي


عشقتك صوت وأحيانـي أثيـرك

وضاع الصوت ما بينـك وبينـي


سقى الله ما مضى وأيـام خيـرك

على قلبك واعـرف إنـك تبينـي


أكيـد اللـي تخيلتـه عشـيـرك

نساك وجيت مكسـور وحزينـي


تحسب إنـي مثـل أول أسيـرك

علـي تغلـط بلحظـة تحتوينـي


تذكر يـوم قلبـي مثـل طيـرك

على كيفك ورايـك كـل حينـي


عطيتك كل مـا يملـى نظيـرك

وعز اللـي تمنـى مـن سنينـي


تذكـر ليلـة القمـرا سمـيـرك

وتعرف قدر حبـك يـا ظنينـي


عيون الشمس تعرفنـي سهيـرك

بقايا الليـل نجمـة فـي جبينـي


حبيبي بالعتب مـا أحـب أثيـرك

غلا ماضيك فـي قلبـي وعينـي


أنا بالعكـس يزعلنـي مصيـرك

أنـا جربـت جـرح العاشقيـنِ


هويت إنسان عوضنـي كثيـرك

عطاني كل عمـره فـي يمينـي


ولو تفرش الـى بيتـي حريـرك

أنا مـا أبيـع واحـد مشترينـي

طرح جميل
يعطيك العافيه

سلمت أناملك على الطرح المميّز
ويعطيك العافية على المجهود المبذول
ما ننحرم من فيض عطائك وإبداعك
لك تحياتي وفائق شكري
ولك كل الود

سلمت يمنيك على ما قدمت
وسلمت عيناك على ما انتقيت ..

يتجسد الابداع دائما في مواضيعك
عندما يكون لها هذا التميز
مجهود جدا رائع..
تحياتي لك::

_



سلمت الأيادي ..
ويعطيك العافية لـ جمال الآنتقاء
لروحك جنائن الورد .