ليه التلاعب بالمشاعروالأحساس
ليه التجني والجفا والملامه

ان حان لك فرصه بها تظلم الناس
تعمل عمايلك وتقيم القيامه

لكن تذكر لودخل قلبك أحساس
الله على الظالم سريع انتقامه

ضنيت حالك من هل العزم والباس
والغطرسة صارت لذاتك علامه

فيك الغرور اضحى يشاطرك الأنفاس
شكلك ترى عندي قليل أحترامه

مايجتمع قلب ٍ بليد ٍ وحساس
صعب التفاهم يارفيق الندامه

رح في طريقك شوف مثلك بالأجناس
عديم ذوق ومنه نبغا السلامه

ارحل قبل لاتاقع الفاس بالراس
وأحذر غضب رجل حليم وخصامه

خلك تروح ابسلم من قبل تنداس
كرامتك ان كان عندك كرامه

لاتاقف وتنظر لي بعين الياس
مال الندم منك بقلبي شهامه

قلبي كرهك ولابي شكلك اوناس
وصعبا على مثلي يغير كلامه

يكفيك خمس اسنين في قلب حساس
حطك بصدره واحتضنك بعظامه

حبك ولكن للأسف شاف الأتعاس
كل يوم في ظلمك تزيد اتهامه

يصدق معك ويسامحك وانت دساس
مالك امان وعنك فك التزامه