حلوة كلمة ( ما بزعل منك ) بس الأحلى منها ( مايهون عليا زعلك ) ..
_حلوة العلاقات الرايحة جاية .. اللي فيها الناس بياخدوا و يدوا .. بيخافوا على بعض .. مايهون عليهم زعل بعض .. بيراضوا بعض .. بيطبطبوا على بعض .. بيطمنوا بعض.. بيسندوا بعض..
_حلوة العلاقات المريحة ،الخفيفة السهلة ،الواضحه
اللى تفاصيلها بسيطة ما فيها تعقيد ..
_حلوة العلاقات المنورة .. اللي تزود ما تنقَص .. اللي تخليك تبتسم .. تخليك مرتاح .. على راحتك و على طبيعتك ..بتتقبلك زي ما انت ..
_حلوه العلاقات اللى بتجيب طراوه ..
_حلوه العلاقات اللى بتفتح الغامق...
_حلوه الناس آل بتدفيك بحبها ..
_حلوه الناس اللي تتسند عليهم و انت متأكد انهم ما هيخذلوك ..
_حلوه الإخوات اللي دايما في ضهر بعض ..
_حلوه الزمايل و الصحاب و القرايب و الجيران اللي تطمن لوجودهم و ماتخاف من غدرهم ...
دوروا على الناس الحلوة و امسكوا فيهم ..
لا يهونوا عليكم ..
ماتخلوهم يندموا على طبيتهم و حبهم .. الناس الحلوه رزق .