منتدى رواية عشق - كِيف مَآ أهتم للِي يحطمُونِي

http://forum.hwaml.com/imgcache2/hwa...669233_691.gif
"تعلمي كيف تصبحين قوية بنفسكِ،
صبورة لأجلكِ وقنوعة بقلبكِ،
و واقفة لوحدكِ" ،،
مساء الحب والسلام 🕊💗
مُوضُوعنا اليوم ،،
هو موضوع حساس جداً
وممكن البعض راح يتحسس منه ❗️
لكن ليش اللي حولنا دايم يحطمونا؟
وليش أحنا نتحسس؟؟ ،
للاسف احياناً المجتمع الخاص في هذا الشخص المتضرر مو مثقف بما فيه الكفاية لتقبل اختلاف الاّراء والأذواق واحترام الخصوصية وأيضاً هذي نقطة مهمه اللي هي ماعندهم الثقافة في احترام دائرة الآخرين الخاصة..،
بمعنى انه جداً طبيعي عند هؤلاء الأشخاص انها تسألك انتي متزوجة؟
ليش ماحملتي؟
اوف مرا متنانه !
وتحس انه يحق لها هذا السؤال!
او تطرح هذا النقد
وفِي الواقع مايحق لها أبداً
ويعتبر من التنمر! ..
أتوقع وانتي تقرأين الآن
توافقيني الرأي وبشده! 🌸،
السؤال الآن
انا كيف اوقفهم عند حدهم اللي انا مخصصته؟
و كيف انا ماتحسس من انتقاداتهم و كلامهم بشكل عام؟ ،
اول شيء فيه عدة أمور انك توقفين هذا الشخص عند حده،
فيه الطريقة الصارمة انك بكل بساطة تقولين لها : إيش دخلك حبيبتي؟
هذا موضوع خاص. ،
أو بالطريقة الأخف صرامه واللي اشوف فيها
نوع من السياسة هي تردين السؤال بسؤال.
مثال :
اوه انتي ماحملتي؟
الرد: انتظرك الصراحه اشوف مرا طولتي بعد ولدك
( وتعطينها ابتسامه بريئة ). 👌🏻،
الموضوع جداً سهل لكن يبغاله قوة شخصية ونفس.💪🏻
الآن السؤال الأخير
وهو كيف ما أتحسس من نقد الناس؟،
الحل جداً جداً سهل بشكل ماتتصورونه ..
عقل الانسان جداً ذكي وتقدرين بكل سهولة تغيرين تفكيرك،
إسألي نفسك هذي الأسئلة :
هل هذول الناس يهموني؟؟
هل انا فاضية لهذي الدرجة اني اخذ هم كلام سخيف؟
هل انا بكل سهولة أزعل على شان كلام مايرضيني ولا اشوفه صحيح؟؟؟
هل وقتي الثمين وطاقتي الثمينه اضيعها بنقد مايسوى شي عندي؟ 👏🏻،
( الخلاصة : استصغري هذا النقد وصاحبه )
بكل بساطة !
الامر سهل جداً
فقط يحتاج
عزيمه وثقة عالية بنفسك 😍💪🏻💗 ،
فلسفَة
http://www.hamasatdamad.com/upload/u...3582782525.gif