منتدى رواية عشق - أروع قصائد سعد بن جدلان مع التصميم حصري لمنتدى رواية عشق

منتدى رواية عشق (https://r-eshq.com/vb/index.php)

- ⁂ التّـراث والشّخصيِات التاريخيـة ⁂ (https://r-eshq.com/vb/forumdisplay.php?f=30)

أروع قصائد سعد بن جدلان مع التصميم حصري لمنتدى رواية عشق

http://www.arabsharing.com/uploads/157565749867271.jpg

أنا وين أبلقى يالاجاويد فاعـل خيـر=حريصٍ على سرّ المحبيـن لارسلتـه
أناّ لوّ أبصبر عام مابـان بـي تأثيـر = وهالحين حتّى الصبر يومين ما أحتلتـه
أنا مثل صقـارٍ تولّـع بحـبّ الطيـر = ولف قلبه فـروخ الصورايـم وهبلتـه
تولعّت في فرخٍ قضيـبٍ يتـلّ السيـر = ابيّ نظرتٍ من لفتـة الحـرّ وسبلتـه
صغيرٍ بسنّه غير عندي ماهو بصغيـر = يامغلاه فـي قلبـي وياكبـر منزلتـه
أجمعله سمان الهرج خوفٍ من التقصير = والى جيت ابشرح له كلامي تهيزلتـه
يجيني منّه هيبه . معزه . سحى . تقدير = اقابلـه عنـدي علـم وأروح ماقلتـه

http://www.arabsharing.com/uploads/157565749880964.gif

ودّنا بالطيب بس الدهر جحّاد طيب
كل ماتخلص مع الناس كنك تغشهـا
يدك لامدت وفا لاتحرى وش تجيب
كان جاتك سالمه حب يدك وخشهـا
كل ماشـبـيت نار المحّبه مع حبيب
قام يسحب فـي مشاهيبهـا ويرشهـا
كل ماواجهت لك في الزمن وجه غريب
مثل ما قـــال المثل دام تمشي مشها
وذمةٍ ماهيب تندان للحق المصيب
جعل قشاش الحطب لاسَرح يقتشهـا

http://www.arabsharing.com/uploads/157565749880964.gif

ياعنـــا القنـــاص يالصيد المّدسم
ياكتاب الشمس وكتــاب الطلاسم
أمسك أعصابي وإذا شفتك تّبسم
كنك تكويني على الكبد بمياسم
كن بيــاضك مـن حــمارك لاتقّسم
عارض في وجنتك موكب مراسـم
حبكم سيـطر على قلبي ورسّـــم
مثل ماسيطر على بغـــداد قاسم

http://www.arabsharing.com/uploads/157565749880964.gif

زاومنـي الهاجـوس ملعـون أبـو الأهـل
يقـول البـيـوت العـصـم وإياك و إياها
لا عيّنت كلمة قلت يضـرب بهـا المثـل
لقـيـنـا وراهــا كـلـمة كـّنـهــا إيــاهــا
ما تنجح مدارس فلسفـة علـم فـي جهل
والعربان ما كلٍ يقـدر يكسـب رضاهـا
يحاول قـدر الإمكـان يعنـي علـى الأقـل
يدخل في مفاهيم العرب يكسب اصغاها

http://www.arabsharing.com/uploads/157565749880964.gif

يا زين المشي في االروض الخضر لا شعشع المخضار
يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار

http://www.arabsharing.com/uploads/157565749880964.gif

سعادة للقلوب اللي من السلوان مســــرورة
متى عيني تشوف اللي على قلبي ربيع ودار
أشاهد للسعادة في حياة المجتمع صـــــورة
لا هلت مزون فوقهن تنعومتين صغار
على ذيك اللباب اللي من الرضوان مغمورة
لا منه أصحى سماغر المزون وشعشع النوار
ودجاه أدلى سدوله والقمر متجلي نــــــوره
أشاهد لي بروق دونها ربانها تندار
تقول أكباس غاز من ورا شلال نافورة
سبح ماهر خيالي في الخباري والبرد والنار
وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار
على شوفه سبابيح الخيال تموت مقهورة
حرام إني ما أهني راع المليون والمليار
ولا أهني عربسات الفضا دوره ومقدوره
أعيش بعالم طول المدا يبقى لها تذكار
عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار
حقيقة ويتمعنها اللبيب بكامل شعوره

http://www.arabsharing.com/uploads/157565749880964.gif

http://www.arabsharing.com/uploads/157565749872012.jpg

http://www.arabsharing.com/uploads/157565749867271.jpg

http://www.arabsharing.com/uploads/157565749880964.gif

الا ياالله ياللي تحـت هيبـة سلطنتـك اسلمـت"
"لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"
"تزودني وفا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت"
"يعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت"
"بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت"
"بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت"
"كتبتك وانطوت صحفي عليـك ورفعـت اقلامـي
اباهـي لا ابالـي واتبيسـط كــل ماقـدمـت"
"اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"
"وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"
"عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"
"واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"
"يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت"
"فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت"
"تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت"
"كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت"
"مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت"
"حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت"
"هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت"
"يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت"
"وشفت الفرق في حب الخشوم وحـب الاقدامـي
http://www.arabsharing.com/uploads/157565749880964.gif

http://www.arabsharing.com/uploads/157565749872012.jpg

http://www.arabsharing.com/uploads/157565749867271.jpg

http://www.arabsharing.com/uploads/157565749880964.gif

الله يرحم بوك وأمك ويلحقك بهـواك
كــــلنا للي تـقولـــين أذانٍ صــاغية
أنت مطغـيك البها لين حدد مستواك
يعني أكبر مجرمة حب وأكبر طاغيه
شوفتك للي فؤاده مريضٍ في
جنــــــــةٍ ما ينسمع في طرفها لاغيه
أنا يوم أغليك.. وآجيك.. وآدور رضاك
باغيه نفسي!! ولا أدري وشنهي باغيه..

http://www.arabsharing.com/uploads/157565749880964.gif

لاتخالفت المماشـي تخالفـت الـدروب
مـع مـن يعنيـك ويقـدرك وتـقـدّره
والبشر محدٍ على شف غيره بمغَصوب
مـن بغالـه شعـب فيسنـده ويحّـدره
والأدمي ماهوب يدري بسـدات الغيـوب
وارد المـا مايدلّـه يـاكـود مـصّـدره
ولا تجيك الحصبه الا من فراش امحصوب
وحبة الجدري تجي من فـراش مجّـدره

http://www.arabsharing.com/uploads/157565749880964.gif

بعدالأمل تتعب دونه النـاس ماوصلـوه
حتى تجتمع فى ساعةالحشر منحشـره
الوجه المشبب كلمتـه مالهـا مسفـوه
والأقشر يواجه قشرالأنصاد من قشـره
تلقى مبغضين الآدمي كثر مـن حبـوه
على وجه سابعة الأراضيـن منتشـره
والدنيا تمد النـاس بالخيـر والمكـروه
في خيراتها شتّى وفي شرّهـا خشـره
و سمات البخت لا شافوا النور ما غطوه
واقوى رابطة في الزاد والملح والعشره
واللي يجهل المشروه لا يلحق المشروه
ورجّــــــال تعـداه المشاريـه لا يـشـــــره
والألباب لآمر الكـلآم المفيـد أوحـوه
وتفصيل الخبر يكفي عنه موجز النشره

http://www.arabsharing.com/uploads/157565749880964.gif

http://www.arabsharing.com/uploads/157565749872012.jpg

http://www.arabsharing.com/uploads/157565749867271.jpg

http://www.arabsharing.com/uploads/157565749880964.gif

ون أبن جـدلان مـن لايـعٍ لاعـه
كن فـي كبـدي دوافيـر صناعـي
ألعـب المنكـوس وأحـب روباعـه
مملٍ في الوقـت والوقـت خداعـي
مادريت أن ضحكة الوقـت خداعـه
شفت مدخالـي ولاشفـت مطلاعـي
لابغيت أسـج والا انبسـط ساعـه
دق قلبي من وراء حدب الأضلاعـي
كن مابيـن الضلـوع آلـة طباعـة
تشتغـل لانمـت وأقـوم مرتاعـي
هـم قلبـي مايـفـرق تجمَـاعـه
كود جر الصوت والنـاس هجاعـي
فاقدٍ لـي سلعـةٍ وأكبـر أبضاعـه
سلعـةٍ تشـرا ولاهيـب تنباعـي
رفقـة الطيـب ليـا غيـر أطباعـه
أشهد أنهـا كيـةٍ توجـع أوجاعـي
راكب إلي صممه صاحـب أصناعـه
جمس بيك أب من حديثات الأنواعي
الغريب الـي جديـدٍ مـن أنواعـه
حوض رفرف مايبي شد وشراعـي
لا أونس البنزيـن عجـلٍ تفرقاعـه
مخطرٍ من سرعتـه يقلـع أقلاعـي
لاتحرك شفت في القـاع مشلاعـه
والتواير تظهر الماء مـن القاعـي
ينعش القلـب الحزيـن أبتهملاعـه
لا مشـا قـام يتهملـع تهمـلاعـي
لاوطا الأرض العتش كن تهزَاعـه
بنت شيخٍ طامحٍ مـن ولـد راعـي
في رجاء الغايـب تحَـّرا لمرجاعـه
تنقـد العشـاق وتطـــق الأصباعـي
نفسها من جملة النـاس منصاعـه
ما تبـي إلا واحـدٍ ذكـره إيشاعـي
ينحر اللي يأخـذ الطيـب بذراعـه
الصديق الصافي الصامـل الواعـي
الوفاء والطيـب ساسـه ومنباعـه
يوم بعض الطيب تقليـد وصناعـي
لاوصلتوا فأخبروني عـن أوضاعـه
وأخبروا راعي السمارا عن أوضاعي
أنشدو ويـش السبايـب بمهزاعـه
لا علـي نـاقـص ولا أبيـه فزَاعـي
ودَنـا نرضيـه ونحـاول إقنـاعـه
كان بن مهمل بعـد يسمـع الداعـي
كـان يبغـا حـق للحـق قطَـاعـه
نقنعـة والحـق ما عنـه مجزاعـي
وكان مبغضٍ في الرياجيـل بتَاعـه
لا يجـي ناقـد ويلحقنـي أريـاعـي
للصَديـق نخلَـي النفـس خضَاعـه
ما نـوريـه الجـفـا والتمطَـاعـي
الصداقـة عندنـا ذخـر وطماعـه
صحبـةٍ ماهيـب صحبـة تمتاعـي
حـد جدتهـا علـى البـرق لماعـه
وإن خذت يومين مفعولهـا ضاعـي
إن تجمعنا علـى العـّز والطّاعـه
وأن تفرّقنـا فجـوج الله أوساعـي
ما أطرد المقفي ليا صفّـط إشراعـه
مخبَـل اللـي للمقفـيـن تبَـاعـي
من يحط إذنـه علـى كـل سمّاعـه
جـاه فرقـاً مابعـدهـا تجمَـاعـي
والزباد إختـام هرجـي ومطلاعـه
يدفعه من ريحـة المسـك ذعذاعـي

http://www.arabsharing.com/uploads/157565749880964.gif

http://www.arabsharing.com/uploads/157565749872012.jpg

http://www.arabsharing.com/uploads/157565749867271.jpg

http://www.arabsharing.com/uploads/157565749880964.gif

الا ياالله ياللي تحـت هيبـة سلطنتـك اسلمـت"
"لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"
"تزودني وفا قـدر العشيـر ووصـل الارحامـي

اتمنى تكونو استمتعتم مع الشاعر الجزل

نسأل الله عز وجل أن يرحم الشاعر سعد بن
جدلان وجميع إموات المسلمين
الموحدين لله عز وجل

سعد بن جدلان شاعر هذا العصر فالصغير
والكبير يحفظ قصيدة الرائع جدا

سئلت أحد الشعراء عن سعد بن جدلان
فقال أخذ جميع الافكار
والقصائد الجزلة ولم يبقا لنا شي

http://www.arabsharing.com/uploads/157565749880964.gif

http://www.arabsharing.com/uploads/157565749872012.jpg

ماشاء الله عليك يا مصممتنا المبدعه وش هالزين كله خلفيه تجننننننننن من المساتك

الحلووه خياليه ابداع وربي وقصايد حق شاعر الكبير مره تجننن القصايد واختيارك

تسلم هاليدين الحلوو لي سوت الموضوع

تستاهلي ختم +500 مشاركه ورفع