منتدى رواية عشق - ياعين هلي وإزفجي ضيم الأيام

ياعين هلي وإزفجي ضيم الأيام
حل المصاب وجاك مر المصيبه
أمشي وراء وأنا أحسب إني لقدام
والموت صبح وجاني العلم غيبه
مرحوم يامن له بصمنا بالإبهام
أنت العزيز إللي فجعنا مغيبه
ياوجد حالي وجد حر(ن) إليا حام
شلوا فروخه وإتركوا العش هيبه
وياوجد حالي وجد مقطوع الأرحام
وجد السفينه في البحور الغبيبه
وياوجد حالي وجد صيحات الأيتام
إللي رمتهم بالسلاح الكتيبه
كني سجين وحكمه اليوم الإعدام
قضيته مظلوم ياشق جيبه
يبغاء يقوم وخانت الجسم الأقدام
ثم أدمعت عينه وياشيب شيبه
ياحر دمع الزير من موت همام
حر الصحيب إللي يضيمه صحيبه
يارب قلبي منتتف منه صمام
إيلج بضلوعي صوالي لهيبه
زرع(ن) يشوق العين نبته تعردام
جزت به الأقدار وأنهت صريبه
يالابتي ياعزوتي درع وحزام
قلبي من اللوعات بقعاء تصيبه
يالابتي كن بالحشاء عبد صرام
إيلوفني لوف الحريب لحريبه
يالابتي ليته قعد بيننا عام
ولا إن عمري كان له من نصيبه
والله مدري وجهتي شرق أو شام
ضاع الطبيعي في الأمور العجيبه
راح الذي رفرف مثل رف الأعلام
راح السبول إللي أرتجي شوف صيبه
تبقى بعيني يالشلي زي الأهرام
وتبقى الجروح إللي بقلبي عطيبه
تكفى وزرني لو معا طيف الأحلام
تكفى وصوتي حاول إنك تجيبه
بعدك كسبت الهم وإربحت الأوهام
وتموت وأنا حي مثل الضريبه
ورب جن وإنس وطيور وأنعام
ماأنساك لو ينسى القريب لقريبه
جعلك بجنه والعقيده لك إحرام
وتدخل شفاعه نورها بأرض طيبه

http://up.dll33.com/uploads/1491195172013.gif

[/QUOTE]