يمـــــــــــــــــــــر يوم وكل يوم يمر أحس أني حزين
أمسي على ضيقة صدر وأصبح على ضيقة صدر

قالوا الفرج عقب الصبر قلت الصبر هم دفين
قالوا الوفي طبعه وفي قلت الزمـــــــــن كله غدر

قالوا الصدف قلت الصدف ماعشمت طول السنين
قالوا القدر قلت القدر من اللي يردك يـــــــــــــــــا قدر

قالوا الامل قلت الامل مثل السراب اللي يبين
قلت للعهد وانا على المطلاع وسط المنحدر

قالوا تشوفه قلت اشوفه في حلـــوم النايمين
اصحى على شوفه وانا خدران واصحى واخدر

قالوا وش اللي تذكره اذا تناولك الحنين
قلت التهاته اذا طروه الدمع يـــــــــــــــــحدر

قالوا يخونــــــــــــك قلت انا ياكرهني للخاينين
لو خاني ضـــــاع الوفا في الناس الا ما ندر

قالوا نسيته قلت واللي لحن المسلم جبين
ماانساه كود الناس تنسى الليل ومطلاع البدر

قالوا كم اللي راح من عمره شقى قلت سنتين
عامين وانا اغرب الخطوات والقلب يحدر

قالوا الكدر ويش الكدر قلت الكدر مثل السجين
ان عاش في سجنه كدر واذا طلع عاش الكدر

قالوا سواتك وش يسوي قلت بين الحالتين
اما توفى من غبن والا قضى عمره هدر