منتدى رواية عشق

https://www.r-eshq.com/vb/data:image...3Zn2iqRDP/2Q==

سينابون

المقادير:
- كوب حليب دافي.
- نصف كوب سكر.
- بيضتين.
- نصف كوب زبده بدرجة حراره الغرفه.
- 2 معلقه صغيره خميره فوريه.
- رشة بيكنج بودر.
- رشة بيكنج صودا (كربوناتو).
- رشة ملح.
- معلقه صغيره فانيليا سايله او رشة فانيليا بودر.
- 4 كوب دقيق.

طريقة التحضير
- في طبق كبير هنضيف كل المقادير مع بعض
ماعدا الدقيق ونخلطهم كويس وبعدين نضيف الدقيق
بالتدريج ونعجنهم كويس لحد ما العجينه تلم وماتلزقش
في الايد نغطيها ونسيبها تخمر في مكان
دافي لمدة ساعه ونصف أو ساعتين.

- نفرد العجينه بالنشابه على رخامه مرشوشه
دقيق على شكل مستطيل سُمكه 1 سم تقريباً.

- ندهنها زبده ونبدأ نحشيها والحشو عباره عن
كوب سكر بني عليه 4 او 5 معالق كبيره
قرفه وممكن تضيفوا نصف معلقة كاكاو او نسكويك.

- نبدأ نلف العجينه بإنتظام وبراحه خالص
على شكل رول ونقطعها قطع متساويه
بإستخدام خيط تقيل أو سكينه حاميه.

- نبدأ نرص القطع بالطول في صينيه فيها
ورق زبده أو مدهونه زبده ولازم نسيب
مسافه 2 سم بين كل قطعه
والتانيه عشان مايلزقوش في بعض.

- نسيبها تخمر ساعه وندخلها فرن مسخن
مسبقاً على درجة حراره 200 لمدة ربع
ساعه هنلاحظ ان اللون بقى ذهبي فاتح
نطلعها ونسيبها 5 دقايق وبعدين نحط عليها الصوص.

طريقة الصوص
- ربع كوب جبنه كريمي
- معلقه كبيره زبده بدرجة حرارة الغرفه
- كوب وربع سكر بودره
- 4 معالق كبيره حليب
- نصف معلقه صغيره فانيليا
طريقة التحضير
- في بوله كبيره نحط المكونات كلها
ونخفقها بإستخدام المضرب الكهربائي
لحد ما القوام يبقا تقيل ومتماسك ولو عايزين
الصوص خفيف زودوا حليب كل ما كان
الحليب اكتر كل ما كان الصوص اخف.

- نحط الصوص على السينابون بعد 5 دقايق
من خروجها من الفرن.
وبالهنااا والشفاااا
تحياتى وحبى
الدكتور علـى