منتدى رواية عشق - يعنى ايه قيام الليل ؟؟

س/ يعني ايه قيام الليل ؟`
ج/قيام الليل هو أي صلاة تصليها
من بعد صلاة العشاء لحد الفجر
وهو أفضل صلاة بعد الفروض
*لحديث النبي صلى الله عليه وسلم
`((أفضل الصلاة بعد الفريضة صلاة الليل ))`*
**
`س/ طيب ايه افضل عدد ركعات أصليها في قيام الليل ؟`
ج/أفضل حاجه اللي كان النبيﷺ
بيعملها وهي انه كان بيصلي ١١ ركعة
قيام ليل
ويسلم بعد كل ركعتين
**
`س/طيب لازم أصلي ١١ ركعة ولا ممكن أزود أو انقص ؟`
ج/لا.... مش لازم ١١ ركعة
ممكن تصلي الوتر ركعة واحدة
ويكون قيام ليل
ممكن تصلي ٣ ركعات بالوتر
وممكن ٥ أو ٧
وممكن أكتر من ١١ ركعة
**
`س/طيب ينفع قيام الليل أصليه بعد العشاء ع طول ؟؟`
ج/اه ينفع بعد العشاء ع طول
وأفضل وقت ليها في التلت الأخير من الليل
اللي بيكون قبل الفجر بثلاث ساعات تقريبا
**
`س/طيب فيه سور معينة أصلي بيها قيام الليل ولا بأي سور ؟`
ج/ تصلي بأي سوره بعد الفاتحه عادي
**
`س/طيب ينفع أقرأ من المصحف
في قيام الليل ولا لازم من المحفوظ ؟`
ج/ في قيام الليل ينفع تقرأ من المصحف
حتى لو مصحف على الموبايل
وطبعا ينفع من حفظك...
اعمل الأسهل ليك
***
`س/ينفع أقسم صلاة القيام طول الليل ،
أصلي شوية بعد العشاء وشوية قبل الفجر ؟`
ج/ايوة ينفع عادي..
***
`س/طيب ينفع لو صليت الوتر بعد العشاء ع طول ..
ينفع أصلي قبل الفجر قيام ليل تاني؟`
ج/ايوة ينفع بس ماتصليش الوتر مرتين ،
يعني هتصلي قبل الفجر ٢ او ٤ او ٦ ..
من غير ركعة وتر طالما صليت الوتر
مرة بعد العشاء
***
`س/ ينفع أصلي ركعتين بس ولا لازم ٣ ركعات أو خمسه ؟`
ينفع ركعتين بس تاخد بيهم أجر القيام
بس هتبقى ضيعت ع نفسك أجر الوتر ...
خلي صلاتك ركعة واحده او تلاته او خمسه او ...
عشان تاخد اجر القيام والوتر
***
`س/طيب لو متعود أصلي قيام الليل
وضاع علي في يوم أعمل ايه ؟`
ج/ممكن تصليه في وقت صلاة الضحى
من بعد الشروق لحد الظهر وهيبقى
ده قضاء لقيام الليل بس مش هتصليه وتر ..
يعني مثلا لو كنت بتصلي بالليل ٣ ركعات ..
هتصلي تاني يوم في وقت الضحى ٤ ركعات
قضاء قيام الليل وده غير صلاة الضحى
*عن عائشة رضي الله عنها
( كان رسول الله ﷺ إذا فاتته الصلاة
من الليل من وجع أو غيره صلى من النهار
ثنتي عشرة ركعة)*

لكم خالص تحياتى وتقديرى
الدكتور علـى حســن