منتدى رواية عشق - ارحموا تراحموا

يعني إيه رحمه انسانية
إحساس ولا فعل ولا رد فعل
بتكون بسبب ولا بدون سبب
طبع في الإنسان ولا مكتسب
نقدر نعيش من غيرها
وأثر غيابها إيه
فكروا في الأسئلة دي حتلاقوا
إن معظم مشاكلنا إن مكنش
كلها بسبب غياب الرحمه
من قلوبنا وتعاملاتنا
على المستوى الشخصي
وعلى المستوى المجتمعي
كل راعي لو رحم رعيته ممكن يحصل إيه
أكيد أول ثمره هيحبوه
ولو حبوه هيطيعوه
ولو أطاعوه هيبقى في هدف واحد
بنسعى كلنا عشان ننجح فيه
الزوجين لو رحموا بعض
حتى لو مفيش بينهم حب
هيتسقي ويكبر بالرحمه
ومشاكل كتير هتختفي
ولو اتعاملوا مع ولادهم برحمه
هيتغير أسلوب معاملتهم معاهم
وبالتالي ولادهم هيتربوا بالحب
ويدوا حب ويحاولوا يسعدوا أهلهم
فيبذلوا أقصى جهد عندهم
المدير لو اتعامل مع موظفينه برحمه
هيدوا الشغل حقه
من غير إحساس بالظلم والكره
المدرس لو رحم تلاميذه
هيحس بيهم ويهون عليهم الأمر
وهيتعاونوا معاه برضا وحب
ولى الأمر لو اتعامل مع رعيته برحمه
هيملك قلوبهم ويفهم
مشاكلهم ويحتويها ببساطه
ومش هيظلمهم
الطبيب لو إتعامل بأساس مهنته
وروحها مش هتبقى تجارة وغش
الأصدقاء مع بعض
الجيران
الأخوات
الرحمه بالأجير
الرحمة بالفقير
الرحمة باليتيم اللي لو اتعامل بيها
ممكن ننقذه من التشرد
والضياع ننقذه من نفسه
ومن المصير المظلم البائس
لو في رحمه مش هيبقى في أولاد شوارع
مش هيبقى في ناس بتموت
من البرد والجوع والمرض
مش هيبقى في مسنين مرمين في الشوارع
الرحمه باختصار رقة قلب وشفقة
رقة قلب تجعل صاحبها
كالنسمة في حياة من يعرفه
يعيش إنسان
يرحم باحتوائه وبتصرفاته وبدعائه
وحتى بنظراته وحضنه الواسع
المفتوح لكل مكروب
شفقة حتى على الطير والحيوان
يمسح دموع الآخرين ويستبدلها ببسمة
يبذل كل مايملك من أجلهم
يرحم فيرحم ويجبر ويهدى
كن رحمه في حياة من حولك
ارحم أهل بيتك ترحم
ارحم والديك
ارحم أبنائك
ارحم كل إنسان تتعامل معه
تعلم كيف تعبر عن شفقتك
بمن حولك وإحساسك بهم
عش رقيق القلب خفيف الخطى ناشر الخير
ارحموا تراحموا
لكم خالص تحياتى وتقديرى
الدكتور علــى