لو ينعرض هرجه على الطير غناه
 

كلّ نهار العيد عيده تهنّاه
وانا نهار العيد عيدي نحيبي

مرحوم ياحبن قديمن دفنّاه
عز الله اني عقبكم بان عيبي

كم هاجسن لك بالمفارق شكيناه
ياخذك وقتن مالك الله يجيبي

عليك قلبي يابسات ن حناياه
وانا على لاماك اقنب قنيبي

ان ابتسم ذبح المعنّى ثناياه
واليا لحظ جنِّك سهومن تصيبي

لو ينعرض هرجه على الطير غناه
وانا اشهد انه علتي والطبيبي

لا باغي(ن) غيره بخيره وحسناه
ولا نايم(ن) ليلن وهو لي طليبي

لا واعلى مسكة يميني بيمناه
وارقد هني وخابر انه نصيبي

ينلاع قلبي له وروحي تمناه
باسباب هجره صرت كني مشيبي

لو ينشرى قربه بالاموال جبناه
وارخصت من شانه بعيد وقريبي

لي روعة(ن) لامن حنا ذكرناه
بين العظم والجلد تدبي دبيبي

عجز البخت يبني لنا ما حلمناه
وحظي من الاقدار جرحن عطيبي

غدى ضميري له قصورن مبنّاة
وفي عالم التذكار امري غريبي

قبل امس وسط السوق يمشي وشفناه
ماكن كنته في المواضي حبيبي

ياحيف ياللي بالقصايد رسمناه
بيتي من الاشجان لحنه طريبي

سارت بنا الايام دربن مشيناه
والعمر كمّل مابقى الا سريبي

هذا الكلام اللي م الافواه قلناه
والله على صدق الملافظ رقيبي

_



سلمت الأيادي ..
ويعطيك العافية لـ جمال الآنتقاء
لروحك جنائن الورد .

موضوع قمه في الروعه والجمال
اسعدني جدآ التواجد هنا
الله يعطيك العافيه

دمت بهذا الجمال الذي نتنفسه
ودامت حروفك سعيدة
تبعث فينا السعادة ..
تحياتي لك وكل الود .
وهذه لك

طرح رائع
سلمت الايادي دوم التالق
تحياتي