|
ازهره وبستان الدنيه
(متسوله)
ليلچ ضايع عمرچ ضايع يا زهره وبستان الدنيه انطاچ لشارع من يا وادم وليا وادم تستجدين ..؟! مديتي ايدچ واحنه نباوع محتارين ..؟! مدري نعشگچ..؟ مدري نگلچ لا تبچين ..؟! مديتي ايدچ من يمته يمد ايده التين ..؟! يا بت ادم يا تين الله ليل الدنيا وخاف چفوف الرغبه تبوگچ ليل الدنيا وخاف عيون الناس تضوگچ ليل الدنيا ومالچ ليل ودموعچ والكحله تسيل يا بت ادم ضمي الهيل ولمي چفوفچ لا تنجرحين وشيروفچ ..؟! بين الحيطان الما تبصر كتبي حروفچ لو ضعتي بورقات الشارع حته النار العميه تشوفچ باچر من تكبر لوعاتچ يكبر خوفچ وتضيعين وباچر شمس الله الـ ما ترحم تحچي الطين باچر كلشي أيگلچ وين باچر چف يعاتب چف... وباچر عين تعاتب عين شما غنيتي السكته امتاع يا بت ادم هاي أعثوگج حصة الگاع شيردچ لو صيتچ ذاع وگالوا عاهر ..؟! عانگتي الريح ويا ريه تلمچ باچر ..؟! اه يا باچر... و اه يا ماي العيب المنچ سافر مو بس منچ... سافر مني ... ومن الناس يا شجرة وعشنالچ فاس لونچ ياس .. ومحد غنالچ صينيته غنى العوز وضعتي بريته واه يا وكتج.... وكتج عايشلج مرواح وليليه يذريج بديره يا سر وما ضمچ بيره عمرچ حيره وليلچ حيره ( من مال الله ) شگد اذنتي ..؟؟! شگد كبرتي ..؟! ... ومحد صلى ما كافيچ يا تين الله ..؟! ما كافي نشهگچ ونلومچ ..؟! ما كافي تشهگين اهمومچ ..؟! عفيه اهمومچ ،، ما گالولچ بين العفه وچلمة عاهر مدت ايد ..؟! ما گالولچ طحتي اهلال وعمرچ عيد ..؟! ما گالولچ شص الليل وبينه يصيد ..؟! ما گالولچ بس شيفيد ..؟! من مال الله ومال الله الباعچ شيفيد ..؟! جواد زغير |
بارك الله فيك ع موضوعك القيم والمميز
وبانتظار جديدك القادم ارق التحايا لك |
يسعدني ويشرفني مروووووورك العطر
لك مني اجمل باقات الشكر والتقدير |
طرحٌ مميّز .. يسلْمَكّ ربيِ على هـَ ـآلإنتقآءُ ـآلرآئع .. بِآنتظارِ قآدِمكُ ـلآجملْ .. وديِ وَ جنآئنُ وَردي |
طرح جميل
يعطيك العافيه |
_
سلمت الأيادي .. ويعطيك العافية لـ جمال الآنتقاء لروحك جنائن الورد . |
| الساعة الآن 08:15 AM |
Powered by vBulletin Hosting By
R-ESHQ
HêĽм √ 3.1 BY: ! RESHQ ! © 2010
new notificatio by R-ESHQ
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة الموقع