كل عصافير المدينه
تدري بينه
انه وانته اشسولفينه!
والكُمر
بالك تزعله
لا يجي الشامت يسئله!
خايف ابكل شي يكله!!
بالسهر
شاهد علينه!!!
وكل عصافير المدينه..
:::
أقرأ بعيونك معاني
فرحة اشموع ابصواني!!
ماكو مثلي ,, وماكو مثلك,,
عاشو ابحلم الأماني
انته واني
فوق الاغصان الحزينه,
كل عصافير المدينه!!
:::
ياحلم ما يقبل اعيون الحقيقه
هيه لحظه
وكلمن ايروح ابطريقه!
اشلون ترظه!
الأحزان الخذت عمري,,, والفرح ما بي دقيقه!
هسه
بمعاندها تدري
دمعتي الجانت رزينه!
كل عصافير المدينه!!!
حسين االساعدي