درت كلها بحبنه من حبينه !
 

درت كلها بحبنه من حبينه
مابقه أحد ماحجه بطارينه
اتكلي انسه وأصدقاء خلينه
ع بختك شمتتهم بينه
ماتكلي اشلون نرجع أصدقاء
يعني شنسوي اذ تلاكينه
شلونك اشلون الأهل؟ والله اني زين
وانت هم اشلون صحتك ؟زينه!
صعبه واحد يكدر يرد السلام
والدمع حاجز مكان بعينه
ونسرح بنظراتنه ويصحه الشعور
ياترى الياموقف يودينه
للتفاصيل البسيطه البيها روح
الكعده والضحكه ودرب ماشينه
وكافي تتهرب وحب وكبرياء
والقصائد كل هذيج الزينه
وكتلك نشيب سوه وكبلك أموت
كتلي كافي اسم الله لتبجينه
جنت كدما نعشك نسوي الرهان
منو يحب الثاني أكثر بينه
ومن اكلك اني لا اني تصيح
ابو الاني اشويه لا تنطينه
الحب فعل مو ثرثره وكثره كلام
ليش نحلف جذب شموازينه
جاي تطعني بعذر نبقى أصدقاء
والله عيب وفشله من ماضينه


الشاعر يحيى العلاق

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ

سلمت الايادي _~
دمت بكل ود

~,،.

آنتقاء مُكلل بِ الجمال
بِ آنتظار تألق آخر
لروحك عقد البيلسان
~,،.