فلسفة...

البشر هــل كم الكبير الهائــل الشيئ الكثير
أشـخـاص نعرفهـا بـإسمها و أشـيـاء هـايفه



سطحية النظره لـهم تـغـريـك بالفهم المثير
فـي عين غـيـري إجتماعات و أمم متكاتفه



تعقيد أكثـر لـو تعمقنا عـلـى صـدرك أشـيـر
تـدرك بأنـك واحـد وداخـلك تـوجـد طـائفه



أنا أتكلم عـن مساحة فكـري بـركـن السرير
ممكن تـكـون الفلسفة عـنـدي قـنـاعه تالفه



لـكـن تـأكـد إن روح الفقر فـي صـدر الأمير
روح الشموخ بصدر مـن يبكـي بـدمعه أنفه



مشكلتي يصير بعيوني شيء لايمكن يصير
وأشـوفـكـم غـيـري عـادي وهـذا شيئاً أّلفـه



إذا سئلت الروح قالت جملتين وفي الآخير
تلخبط الحكي وتقول أرجـوك ماني عارفه



تقدر تشوف الورد لـكـن تقدر تشوف العبير؟
يعني تبي تصدق لو ابي أقولك كني شايفه!



كل ما أجي أبدا كلامي عن متاهات المصير
يـذوب تفكيري وأحـس بحلقي كلمه واقفه



أرواح فيها شر يجبرها عـلـى تجسيد خير
وأروح فيهـا حــب تصنـع كلـمتيـنٍ زايـفـه



فيها من التقوى الكثير بس بحضور الوزير
وتضيع دمـعـات التهجد مـا يصير تخـالفه



مقننه فـي إقتران الشـيء بالشـيء النظير
وهي على هقوت تناقضها بعيني شـارفـه



النهر يحكي إنكساره حس في صوت الخرير
وأنا إنكساري حس في صدري مشاعري نازفه



خايف وأنا أبدع تأمل أرجع إلى صدري أشير
راجـع كلامك يا خـالـد يمكن ما عندك سالفه