وين ما أعثر أحبك
 

وين ما أعثر أحبك
وين ما أحزن أحبك
يالحلاة الليل أحبك

مو حلاة الليل نوم
عودتني أضحك و'أطيرن
لو حزن روحي يحوم
و'عودتني ..
إسنين عمري إشلون أحبهن يوم يوم
و'عودتني إشما أشوفك
لو جبل طاح إعلىٰ َمتني
أذكر إعيونك و'أگوم

عوف كلشي و'صير كلشي
هيبتي و'عزي و'مناي
عوف كلشي و'صير روحي
و'لهفتي و'شوگي و'هواي
و'لمن أعطش گلي أحبك
ما'تريد الروح ماي

ياما گتلك نظرة منك
تختصر عمري الحزين
و'ياما گتلك چلمة منك
تنده بروحي السنين
و'چنت وين و'هسة وين
چان گلبي أُولاية وحشة
و'الشعور البية طين
هسة ديني إرموش عينك
مالي وية الناس دين

إنتَ إنتَ إضماد روحي
الشالني إسنين بهواه
و'إنت يا'مفتاح عمري
ولچمتة و'علتة و'داوه
خل يموت ألروحة گمره
و'نجمة ما'شاف بسماه

ياحبيبي والعمر مو دوم
شمعه لابد يمر يوم يطفي
إستغل عمري إعلىٰ هونك
گلي أريدك گلي أحبك حيل تكفي
يرسم لــ'يعگوب جية
چفك من يلوح چفي

يادواي الدنيا مرة
و'العمر قسمة و'نصيب
و'الأيام بدون عينك لا'تودي ولا تجيب
آنة لو ما إنت ..
گلبي ينولد و'إيعيش عمرة
و'يندفن و'يظل غريب








محمد الناجح

سلمت أناملك على هذا الجمال ..
فكل الشكر لك على طرحك ..
بإنتظآر جديدك بكل شوق ..
.

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

انتقاء بآذخ الجمآل ,
بِ إنتظآر المزيد من هذآ الفيض ,
لك من الشكر وافره,~

دَام عَطَائِكْ. . يَآطُهرْ..
وَلَا حَرَّمْنَا أَنْتَقَائكْ الْمُمَيِّز وَالْمُخْتلِف دَائِمَا
حَفِظَك الْلَّه مِن كُل مَكْرُوْه ..
*
تَحِيّه مُعَطَّرَه بِالْمِسْك ..!

انتقاءك جميــل
يعطيك العافيه يارب , ع الموضوع ! دمت ودام ابداعك
ودي