امكبرني ابهواك وبعدك ازغير
 

امكبرني ابهواك وبعدك ازغير
عندك واهس الكل المشاوير,,,

بعد ما تنشلع وتردلي بالخير
روحي اتعلكت بيك ابمسامير !!

امضوي منطقتكم جنك أمبير
جمالك ينقري بس بالأساطير!

وجهك ضاوي ويظنونه تنوير
وانه ابوجهي يقرون التعابير!

اخافن لو جمعني وياك تصوير
والشيب ايتحرش بالتصاوير!!

فاضحني الدمع صدرته تصدير
الأي دوله طكتها الاعاصير!!

وانته ابضحكتك باذرها تبذير
تضحك حته عالراد التدابير!

أنه الواضح وماحاجه تفكير!
رغم ما انته غامض بالتفاسير!

بيني وبينك احجايات التصير
اشلون انتقلت الكل الجماهير؟

ليش أسراري طلعت عافت البير
أصدك ياهو منكم بالتعاذير!

هاي اخر احجايه وبيها تحذير
لتكول انه متهمني التحاذير!

أسويها عشاير يمكم انغِير
عليكم نهجم ابليل المغاوير

اذا ما ترد روحي ابلايا تأخير
اله ابابك انطك التناوير,,
اله ابابك انطك التناوير
حسين االساعدي

سلمت يداك على الطرح الراقي
جزاك الله خيرا وبارك الله فيك
لك اعجابي وتقديري

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

موضوع رائع ومميز
طرحت فابدعت دمت ودام عطائك
سلمت اناملك الذهبيه على ماخطته لنا
اعذب التحايا لك
لكـ خالص احترامي

سلمت آلآكف ومآنقلت ..
لــ قلبك آلسعآدهه .