وآهيامه..قلبي اللي من هـَوى
 

" وآهيامه"
وآهيامه..قلبي اللي من هـَوى
هام في حبّك وجاب المستحيل
عاقد النـيـّه صدوق ٍ لك نِـوى
وإلهوى غيرك فلا عمره يميـل

يافديت اللي البشر بعده سوى
وْكنِّ عيني ما ترى غيره خليـل
وْ لَنَّ ذوقي غير وْفوق المستوى
يوم احب آحب شي ما له مثيل

إنتَ وَجهك عافية وْصوتك دوا
وقلبي رحّـالة وعيـنـاك الدليـل
قلب ٍمْن الشوق ومن بعْد النوى
شافِك أوطانه ولك شَـدِّ الرحيل

ياجميل الرّوح وَصـْف ومحتوى
بالشكل والإسْم والمعنى جميل
عين وْ خـدّ و قَـدّ بالزين إرتـوى
وْروح وْطلّة وْضحكة ٍتبري العليل

مو حبيبي..إنتَ زادي و الهوى
وما أقول الـنـادر إنتـه والقليـل
إنتَ شي ما صار أصلاً وإستـوى
في غلاه وْ في جماله المستحيل

-




يعطيك العافيه يارب , ع الموضوع
دمت ودام ابداعك ف سما عشق

يسسسلمو ع المرور

سلمت أناملك على جمال طرحك
الله يعطيك العاافيه
لك جنائن الورد وأصدق الود
ربي مايحرمنا من روعة ابداعك
دام عطائك ياذوق

يسسسلمو ع المرور