الـوّرد ♔
02-10-2019, 06:01 AM
:h3:
سرور كان يفكر يفتح مشروع ويترزق الله منه
جلس وتربع وآخذ راحته قال الحين
نسوي دراسة جدوى للمشروع
وش نشتغل فيه يا سرور
نجيب جوالات لا لا ما عاد تنفع البلد مليانه
نجيب شنط للحريم لا لا والله محد بينظر بوجهي
وتقعد الشنط على كبدي وانظر فيها بالليل والنهار حسره
وش اسوي وش اشتغل فيه
طيب واذا بشتغل يبي لي محل استأجره
يا ويل حالي بكم الأجارات الحين
ولو بآخذ مكان لابد يكون تجاري وفيه مربح
حسب سرور التكاليف وعضّ على القلم من الفجعه بسنونه
من قوة العضه طاح سنّ من سنونه على دفتره
نقز وفز فزه من قوة الوجع
آآآآآه يا سني
راح يفتش يمين يسار على شي يوقف الدم
لقى جريدة وحطها بفمه
راح وغسل فمه
الحمدلله أموره صارت سليمه
الحين سنّه طايح وش يسوي فيه
تذكر سرور جدته يوم كان ورع وتطيح سنونه
كانت تقوله يا ولدي اطلع برا بالنهار
وقول يا شمس خذي سنّ حمار وعطيني سنّ غزال
طلع سرور بالحوش بعز القايله
وكان باب الحوش مفتوح وعامل البلديه برا يشيل القمامه
ما انتبه له سرور
وقال بكل حماسه
يا شمس خذي سنّ حمار وعطيني سنّ غزال
التفت سرور وشاف عامل البلديه جنب الباب يقول
أيوه أنا معلوم هازا همار
الهين أنا في تأكيد
يا همار ما يزي سن قزال خلاص سن روه ما يجي تاني
عصّب سرور ورماه بعصا
بكل احترافيه تفادها عامل البلديه وشرد (هرب )
رجع سرور بيشوف موضوعه
جلس وتربّع واخذ الدفتر
هاه وش ذا الورقه الي بفمي
<< اخونا نسي الجريده بفمه
طلعها وفتحها
اعلان هل تريد ان تصبح تاجر
ناسبته يكون تاجر
قال بيننا وبين افريقيا البحر وقريبه مننا
جلس يفكر ويفكر
وصلته فكره خطيره << طرنق (صوت الفكره )
أتاجر بالكاكاو واكون من الموزعين له
جلس يحسب مصاريف الشحن لو بيستورد
ول ول ول وش ذا
يبي لي بنك حتى ادبر التكلفه
مالي إلا أروح لغازي خويي عنده مركب في البحر
يترزق الله منه يوم يجونه المتمشيه ( الناس الي يبون فره بالبحر)
راح سرور ووصل غازي
سرور : السلام عليكم يا غازي
غازي : هلا والله وعليكم السلام هلا بالقاطع
سرور : قاطع ليه قبل أسبوع كنت معك اصيد بالبحر نسيت
غازي : هااه تصدق ما عاد ادري الا صدقت المعذره يا صاحبي
سرور : لا ما عليك ادري فيك من يوم تصبح الين تمسي وانت ما تهيد (ما تهجد)
غازي : اذكر الله يا شيخ
سرور : لا اله الا الله
غازي : المهم وش عندك هالمره يا سرور
سرور : انت تبي فلوس تفكك من الصلف ( التعب ) الي انت فيه
غازي : اكيد يعني متوقع اني مبسوط من حالتي
سرور : طيب انا ابغاك تكون شريك معي
غازي : شريك في وش بالضبط
سرور : ان شاء الله بنشتغل في تجارة الكاكاو
غازي : الشكلاته قصدك
سرور : الي تجي شكلاته بكلاته المهم الي يحبونها الوراعين والخلق كلهم
غازي : طيب وشلون نشتغل فيها
سرور : نبي المركب حقك واذا تم الاتفاق بكره الفجر نبحر لافريقيا
غازي : هااه (نبرة خوف) افريقيا انت من جدك بتودينا للحروبات( الحروب)
تبي نموت هناك
سرور : لا يابن الحلال وجهتنا بعيده عن الحروب
ديره آمنه ومطمئنه نروح نشتري الكاكاو ونرجع ونبيعه هنا
غازي : إذا كذيّاه (كذا) أنا معك على بركة الله
جاء الفجر وسرور حول الفلوس للدولار وشالوا معهم كل العده والمونه
ابحروا ومركب غازي يصارع الأمواج ما شاء الله عليه
وصلوا للديره الي يبونها بعد مدة من الإبحار
نزلوا للبر وبدوا يسألون وينشدون حتى اذا هم بالمكان الي يبونه
أخذوا الكاكاو وحملوا المركب وطلعوا وابحروا
وصلوا لنص الطريق وهبّت عليهم عاصفة وامطار قويه
ضيّعوا الطريق
هدت العاصفه
غازي : يا سرور وين حنا فيه
سرور : هاه مدري تصدق
غازي : ما تدري طيب وش السوات
سرور : خلنا نبحر جهة الشمال وان شاء الله نصل
وهم مبحرين جاتهم مراكب شراعيه
غازي : يا سرور جاك الفرج هذولا الي بيساعدوننا
سرور : الحمدلله قلت لك ان شاء الله ما نضيع
قربوا منهم أصحاب المراكب
وطلعوا على المركب ورموا حبالهم
وغازي يساعدهم ويطلعهم على المركب حقه
ياهلا ويا مرحبا حياكم الله يالاخوان
الا و قاموا يرطنون( يتحدثون بلغة غريبه)
غازي : طلعوا عجم يا سرور
سرور : عجم ولا عرب بس المهم يدلونا على الطريق
هيه أنتم مازا تتحدسون
<< طلع واحد منهم يعرف عربي
سرور : انخرش .. هااه ما نقول شي
هيا يا ولد اعتونا الفلوس والاشياء الثمينه
سرور : افاا طلعتم قراصنه
غازي : يعني يبون ياخذون حقنا
<< غازي كان له أيام المدرسه في المضاربات الجماعيه
كان دائماً ينضرب ويفلخون راسه
معصي والله ما تاخذونها
عصبوا القراصنه ارسلوا واحد يأخذ الفلوس منهم
ويوقوم غازي ويصكه بكف ويطرحه على الأرض
سرور : يا قوة الله من متى يا غازي وانت تضرب
غازي: البحر وانا اخوك يطلّع رجال
شوي الا ويجيه واحد يصك غازي بكف ويطيح ولا عاد قام
سرور خاف منهم
سرور : وش تبون ابشروا بعطيكم الي تبونه
زعيم القراصنه نريد ما تملكون
سرور : طيب ما معي الا الكاكاو تبونه
زعيم القراصنه كويس
اخذوا كل الكاكاو الي معهم وحملوه لمركبهم
سرور: هيه انت طيب ابي ارجع للطريق من وين
زعيم القراصنه دلّه على الطريق
مشوا بالبحر
صحى غازي من الغيبوبه
غازي : سرور ويننا ووش صار
سرور : قريبين من الديره حقتنا يا غازي
غازي: طيب كأني كنت نايم تحلمت بقراصنه وتضاربت معهم
سرور : ما كان حلم حقيقه يا خي
غازي: هاه حقيقه طيب عساك ما اعطيتهم الكاكاو
سرور وخانقته العبره
إيه عطيتهم
غازي : أقوم لك افقع وجهك الحين
سرور : يا بن الحلال صل على النبي
غازي: عليه الصلاة والسلام
سرور : شفت يوم اشترينا الكاكاو وانت رحت تشتري الاكل
غازي : ايه وش فيه
سرور : بذا الوقت قابلت تاجر الماس واشتريت منه الماس والكاكاو كان هديه منه
غازي : أمنتك بالله إنت تمزح
سرور : لا بالله ما أمزح عطيت القراصنه الكاكاو وبقي الألماس معي
غازي: كفو كفو
سرور : كفوك الطيب
الحين يبي لنا نقصص الالماسات ونبيعها حبه حبه حتى ما نتورط
شوي وهم مبحرين الا وتجيهم قذيفه على المركب
وينط غازي ويسحب سرور معه
تدمر المركب وطاحت الالماسات باعماق البحر
سرور : الالماسات لا لا لا ما يصير
غازي : تعال ياخي ترى تموت
ويسحب بسرور حتى وصلوا البر
وصلوا البر وسرور فقد الالماسات وغازي تدمر مركبه
فككم الله يا تجّار الألماس ولا كان سرور مسك السوق وقعدكم ببيوتكم
:121:
سرور كان يفكر يفتح مشروع ويترزق الله منه
جلس وتربع وآخذ راحته قال الحين
نسوي دراسة جدوى للمشروع
وش نشتغل فيه يا سرور
نجيب جوالات لا لا ما عاد تنفع البلد مليانه
نجيب شنط للحريم لا لا والله محد بينظر بوجهي
وتقعد الشنط على كبدي وانظر فيها بالليل والنهار حسره
وش اسوي وش اشتغل فيه
طيب واذا بشتغل يبي لي محل استأجره
يا ويل حالي بكم الأجارات الحين
ولو بآخذ مكان لابد يكون تجاري وفيه مربح
حسب سرور التكاليف وعضّ على القلم من الفجعه بسنونه
من قوة العضه طاح سنّ من سنونه على دفتره
نقز وفز فزه من قوة الوجع
آآآآآه يا سني
راح يفتش يمين يسار على شي يوقف الدم
لقى جريدة وحطها بفمه
راح وغسل فمه
الحمدلله أموره صارت سليمه
الحين سنّه طايح وش يسوي فيه
تذكر سرور جدته يوم كان ورع وتطيح سنونه
كانت تقوله يا ولدي اطلع برا بالنهار
وقول يا شمس خذي سنّ حمار وعطيني سنّ غزال
طلع سرور بالحوش بعز القايله
وكان باب الحوش مفتوح وعامل البلديه برا يشيل القمامه
ما انتبه له سرور
وقال بكل حماسه
يا شمس خذي سنّ حمار وعطيني سنّ غزال
التفت سرور وشاف عامل البلديه جنب الباب يقول
أيوه أنا معلوم هازا همار
الهين أنا في تأكيد
يا همار ما يزي سن قزال خلاص سن روه ما يجي تاني
عصّب سرور ورماه بعصا
بكل احترافيه تفادها عامل البلديه وشرد (هرب )
رجع سرور بيشوف موضوعه
جلس وتربّع واخذ الدفتر
هاه وش ذا الورقه الي بفمي
<< اخونا نسي الجريده بفمه
طلعها وفتحها
اعلان هل تريد ان تصبح تاجر
ناسبته يكون تاجر
قال بيننا وبين افريقيا البحر وقريبه مننا
جلس يفكر ويفكر
وصلته فكره خطيره << طرنق (صوت الفكره )
أتاجر بالكاكاو واكون من الموزعين له
جلس يحسب مصاريف الشحن لو بيستورد
ول ول ول وش ذا
يبي لي بنك حتى ادبر التكلفه
مالي إلا أروح لغازي خويي عنده مركب في البحر
يترزق الله منه يوم يجونه المتمشيه ( الناس الي يبون فره بالبحر)
راح سرور ووصل غازي
سرور : السلام عليكم يا غازي
غازي : هلا والله وعليكم السلام هلا بالقاطع
سرور : قاطع ليه قبل أسبوع كنت معك اصيد بالبحر نسيت
غازي : هااه تصدق ما عاد ادري الا صدقت المعذره يا صاحبي
سرور : لا ما عليك ادري فيك من يوم تصبح الين تمسي وانت ما تهيد (ما تهجد)
غازي : اذكر الله يا شيخ
سرور : لا اله الا الله
غازي : المهم وش عندك هالمره يا سرور
سرور : انت تبي فلوس تفكك من الصلف ( التعب ) الي انت فيه
غازي : اكيد يعني متوقع اني مبسوط من حالتي
سرور : طيب انا ابغاك تكون شريك معي
غازي : شريك في وش بالضبط
سرور : ان شاء الله بنشتغل في تجارة الكاكاو
غازي : الشكلاته قصدك
سرور : الي تجي شكلاته بكلاته المهم الي يحبونها الوراعين والخلق كلهم
غازي : طيب وشلون نشتغل فيها
سرور : نبي المركب حقك واذا تم الاتفاق بكره الفجر نبحر لافريقيا
غازي : هااه (نبرة خوف) افريقيا انت من جدك بتودينا للحروبات( الحروب)
تبي نموت هناك
سرور : لا يابن الحلال وجهتنا بعيده عن الحروب
ديره آمنه ومطمئنه نروح نشتري الكاكاو ونرجع ونبيعه هنا
غازي : إذا كذيّاه (كذا) أنا معك على بركة الله
جاء الفجر وسرور حول الفلوس للدولار وشالوا معهم كل العده والمونه
ابحروا ومركب غازي يصارع الأمواج ما شاء الله عليه
وصلوا للديره الي يبونها بعد مدة من الإبحار
نزلوا للبر وبدوا يسألون وينشدون حتى اذا هم بالمكان الي يبونه
أخذوا الكاكاو وحملوا المركب وطلعوا وابحروا
وصلوا لنص الطريق وهبّت عليهم عاصفة وامطار قويه
ضيّعوا الطريق
هدت العاصفه
غازي : يا سرور وين حنا فيه
سرور : هاه مدري تصدق
غازي : ما تدري طيب وش السوات
سرور : خلنا نبحر جهة الشمال وان شاء الله نصل
وهم مبحرين جاتهم مراكب شراعيه
غازي : يا سرور جاك الفرج هذولا الي بيساعدوننا
سرور : الحمدلله قلت لك ان شاء الله ما نضيع
قربوا منهم أصحاب المراكب
وطلعوا على المركب ورموا حبالهم
وغازي يساعدهم ويطلعهم على المركب حقه
ياهلا ويا مرحبا حياكم الله يالاخوان
الا و قاموا يرطنون( يتحدثون بلغة غريبه)
غازي : طلعوا عجم يا سرور
سرور : عجم ولا عرب بس المهم يدلونا على الطريق
هيه أنتم مازا تتحدسون
<< طلع واحد منهم يعرف عربي
سرور : انخرش .. هااه ما نقول شي
هيا يا ولد اعتونا الفلوس والاشياء الثمينه
سرور : افاا طلعتم قراصنه
غازي : يعني يبون ياخذون حقنا
<< غازي كان له أيام المدرسه في المضاربات الجماعيه
كان دائماً ينضرب ويفلخون راسه
معصي والله ما تاخذونها
عصبوا القراصنه ارسلوا واحد يأخذ الفلوس منهم
ويوقوم غازي ويصكه بكف ويطرحه على الأرض
سرور : يا قوة الله من متى يا غازي وانت تضرب
غازي: البحر وانا اخوك يطلّع رجال
شوي الا ويجيه واحد يصك غازي بكف ويطيح ولا عاد قام
سرور خاف منهم
سرور : وش تبون ابشروا بعطيكم الي تبونه
زعيم القراصنه نريد ما تملكون
سرور : طيب ما معي الا الكاكاو تبونه
زعيم القراصنه كويس
اخذوا كل الكاكاو الي معهم وحملوه لمركبهم
سرور: هيه انت طيب ابي ارجع للطريق من وين
زعيم القراصنه دلّه على الطريق
مشوا بالبحر
صحى غازي من الغيبوبه
غازي : سرور ويننا ووش صار
سرور : قريبين من الديره حقتنا يا غازي
غازي: طيب كأني كنت نايم تحلمت بقراصنه وتضاربت معهم
سرور : ما كان حلم حقيقه يا خي
غازي: هاه حقيقه طيب عساك ما اعطيتهم الكاكاو
سرور وخانقته العبره
إيه عطيتهم
غازي : أقوم لك افقع وجهك الحين
سرور : يا بن الحلال صل على النبي
غازي: عليه الصلاة والسلام
سرور : شفت يوم اشترينا الكاكاو وانت رحت تشتري الاكل
غازي : ايه وش فيه
سرور : بذا الوقت قابلت تاجر الماس واشتريت منه الماس والكاكاو كان هديه منه
غازي : أمنتك بالله إنت تمزح
سرور : لا بالله ما أمزح عطيت القراصنه الكاكاو وبقي الألماس معي
غازي: كفو كفو
سرور : كفوك الطيب
الحين يبي لنا نقصص الالماسات ونبيعها حبه حبه حتى ما نتورط
شوي وهم مبحرين الا وتجيهم قذيفه على المركب
وينط غازي ويسحب سرور معه
تدمر المركب وطاحت الالماسات باعماق البحر
سرور : الالماسات لا لا لا ما يصير
غازي : تعال ياخي ترى تموت
ويسحب بسرور حتى وصلوا البر
وصلوا البر وسرور فقد الالماسات وغازي تدمر مركبه
فككم الله يا تجّار الألماس ولا كان سرور مسك السوق وقعدكم ببيوتكم
:121: