نور القمر
11-30-2023, 06:15 PM
مشكلة الدوالي أثناء الحمل
-إيه هى الدوالي؟
الدوالي عبارة عن أوردة فيها دم زيادة بتشوفيها تحت الجلد و بتحصل مع الحمل لعدة أسباب زى مثلا:
– وزن الرحم وضغط البيبي على الأوردة في الحوض.
– هرمون البروجيسترون اللى بيرخي الاوردة جداً.
– زيادة كمية الدم في الجسم.
احتمالية حدوث الدوالى اثناء الحمل بتكون نسبتها أكبر لو وزنك زيادة، بتقفي فترات طويلة أو أفراد من عيلتك عندهم دوالي.
– هي الدوالي بتحصل فين و بتحسي بإيه؟
بتحصل في ٣ اماكن
– في الأرجل و ده بيخليكي تحسي بتقل، وجع، عدم راحة، حرقان في الرجلين أو تورم فيهم.
– البواسير شكل من أشكال الدوالي. هتحسي بتورم حول منطقة الشرج و احياناً نزول دم.
– حول المهبل و بيسبب لك ألم و عدم راحة.
– ازاي احمي نفسي من الدوالي؟
في الواقع مفيش حاجة معينة ممكن تمنعها لو هتحصل، لكن في حاجات كتير ممكن تعمليها علشان تكون اعراضها خفيفة لو حصلت.
– التغذية السليمة:
بتساعد على سلامة الأوعية الدموية. ابعدي عن الاملاح والدهون واشربي ميه كتير
– التمارين:
السباحة و المشي بيساعدوا جداً وتمرين الحوض بيساعد على تجنب ظهور البواسير
–حافظي على الزيادة الطبيعية لوزنك في الحمل
– حافظى على ارتداء الملابس الفضفاضة
– بلاش وقوف لفترات طويلة، لو مضطرة تقفي حاولي تتحركي في مكانك، اتمشي و اطلعي السلم
– لو عملك بيتطلب منك الجلوس لفترة طويلة اعملي تمارين حركي فيها مشط القدم فوق و تحت و بشكل دائري
–مهم انك ترفعي قدميكي فوق مستوى مفصل الفخذ أثناء النوم او الاستلقاء دا بيساعد الدورة الدموية فممكن تستعيني بمخدة تحت قدميكي اثناء النوم.
–ممكن تلبسي الشراب الضاغط المخصص للدوالي
– هل الدوالي خطيرة أثناء الحمل؟
في معظم الوقت الدوالي بتكون مش خطيرة لكن احياناً ممكن يكون فيها التهاب و تحتاج لعلاج دا بالإضافة لإن دوالي المهبل بتحتاج لعناية خاصة من الطبيب اثناء الولادة الطبيعية.
– هي الدوالي هتروح بعد الولادة؟
في معظم الحالات لو ظهرت مع الحمل بتخفي بعدها لكن لو استمرت بعد ٦ اشهر لسنة بعد الولادة راجعي الطبيب
-إيه هى الدوالي؟
الدوالي عبارة عن أوردة فيها دم زيادة بتشوفيها تحت الجلد و بتحصل مع الحمل لعدة أسباب زى مثلا:
– وزن الرحم وضغط البيبي على الأوردة في الحوض.
– هرمون البروجيسترون اللى بيرخي الاوردة جداً.
– زيادة كمية الدم في الجسم.
احتمالية حدوث الدوالى اثناء الحمل بتكون نسبتها أكبر لو وزنك زيادة، بتقفي فترات طويلة أو أفراد من عيلتك عندهم دوالي.
– هي الدوالي بتحصل فين و بتحسي بإيه؟
بتحصل في ٣ اماكن
– في الأرجل و ده بيخليكي تحسي بتقل، وجع، عدم راحة، حرقان في الرجلين أو تورم فيهم.
– البواسير شكل من أشكال الدوالي. هتحسي بتورم حول منطقة الشرج و احياناً نزول دم.
– حول المهبل و بيسبب لك ألم و عدم راحة.
– ازاي احمي نفسي من الدوالي؟
في الواقع مفيش حاجة معينة ممكن تمنعها لو هتحصل، لكن في حاجات كتير ممكن تعمليها علشان تكون اعراضها خفيفة لو حصلت.
– التغذية السليمة:
بتساعد على سلامة الأوعية الدموية. ابعدي عن الاملاح والدهون واشربي ميه كتير
– التمارين:
السباحة و المشي بيساعدوا جداً وتمرين الحوض بيساعد على تجنب ظهور البواسير
–حافظي على الزيادة الطبيعية لوزنك في الحمل
– حافظى على ارتداء الملابس الفضفاضة
– بلاش وقوف لفترات طويلة، لو مضطرة تقفي حاولي تتحركي في مكانك، اتمشي و اطلعي السلم
– لو عملك بيتطلب منك الجلوس لفترة طويلة اعملي تمارين حركي فيها مشط القدم فوق و تحت و بشكل دائري
–مهم انك ترفعي قدميكي فوق مستوى مفصل الفخذ أثناء النوم او الاستلقاء دا بيساعد الدورة الدموية فممكن تستعيني بمخدة تحت قدميكي اثناء النوم.
–ممكن تلبسي الشراب الضاغط المخصص للدوالي
– هل الدوالي خطيرة أثناء الحمل؟
في معظم الوقت الدوالي بتكون مش خطيرة لكن احياناً ممكن يكون فيها التهاب و تحتاج لعلاج دا بالإضافة لإن دوالي المهبل بتحتاج لعناية خاصة من الطبيب اثناء الولادة الطبيعية.
– هي الدوالي هتروح بعد الولادة؟
في معظم الحالات لو ظهرت مع الحمل بتخفي بعدها لكن لو استمرت بعد ٦ اشهر لسنة بعد الولادة راجعي الطبيب