رحيل
02-02-2023, 09:08 PM
سالفة الستر و عمل الخير
اكو ثلاثة رجال يمشون بطريق وترافكو وجمعتهم الصدفه وكل واحد منهم جاء من طريق مختلف والتقوا في هذا المكان وهم واحد مايعرف الاخر وظلو واحد يسأل الاخر وتعارفو وتبين ثلاثتهم ذاهبين الى نفس هذه المدينه البعيده تعبو من المشي والجو صار مترب ومطر كالو خلونا انشوفلنه مكان امين انبات بيه وباجر نطلع من الصبح شافولهم غار ودخلو بيه و تعشوا ونامو وكعدو الصبح لكو الغار اظلم و باب الغار من الهوي طايحه صخره جبيره من الجبل وساده عليهم الباب حاولو يدفعون الصخره ماكدرو بعد شيسون ظلو يدعون الله سبحانه وتعالى يفرج عنهم اكو واحد منهم
كاللهم اريد كل واحد من عدنه يذكر عمل خير مسويه بحياته خلي يسولفه النه ويدعي بيه بلكي الله سبحانه وتعالى بسبب هذا العمل يستجيب النه و يرفع عنا الصخره
سولف واحد منهم كال اني ماعندي احد بس اخوي واخوي متزوج وعنده اطفال وعدنه كاع اني وياه وتفلحنه و زرعناها والله سبحانه وتعالى رزقنا بزرعنا خير جثير
وكال اخوي خلينه نقسم المحصول بالنص وبقيت اخلي الي سهم واخوي سهم وكمت اخلي لخوي زياده من سهمي كلت هو صاحب عائله واني مامتزوج ونمت من التعب من كعدت لكيت اخوي يشيل من حصته ويخلي على حصتي
كلتله انت شجاي تسوي هو اني البارحه اخلي من حصتي على حصتك يكول كالي اخوي ليش تسوي هيج كلتله انت عندك عويل واني مامتزوج وهذا كافي عليه
كالي اخوي لا انت محتاج وراك زواج وبيت وريدك تكون نفسك ودعالي وكال اسأل الله لك ان ينقذك اذا كنت في عسر وضيق ان يفرج عنك
واني هسه اسأل الله سبحانه وتعالى بهذا العمل ان يزيح الصخره ويطلعنه سالمين
الثاني هم سولف كال اني عندي ابوي رجال كبير بالسن ومريض وعنده نوبات نسيان من يطلب شي هذاك اليوم جان وكت الغروب وطلب حليب وهو نايم على فراشه كلتله صار بويه هسه يجيك الحليب رحت حلبت المواشي وجبت الحليب وحميته على النار ومن جبته لكيته نايم وماكعدته وظليت كاعد يمه وكلما يبرد الحليب اروح ادفيه وجي اكعد يمه الى ان صار الصبح كعد ابوي وشافني كاعد كالي انت من يمته كاعد
كلتله من البارحه المغرب طلبت حليب وظليت وياك الى هذه الساعه وكلما يبرد الحليب اروح ادفيه وجيبه الك كالي ابوي بحق الباري عز وجل ان يحفظك وماتشوف اي مكروه بحياتك
واني بهذا الموقف ادعوك ياربي بهذا العمل ان تزيح الصخره من باب الغار
الثالث كاللهم قبل مااسولف اقسم عليكم قسم بأن سالفتي اذا سولفها تندفن بالكهف وماتسولف بغير مكان اذا طلعنه
كالوله جماعته سولف سرك ابير
كاللهم ردت اتزوج والوالده راحت شافتلي مره اهلها خوش ناس وعدها اخوان سبعه
وكملت اموري وتزوجت البنت من دخلت عليها ظلت البنت تبجي وكالتي اني امانة عندك وريدك تسترني تره اني مظلومه يكول
كلتلها كولي كالت اني حامل و هسه اطلك
وانت بكيفك ياابن الاجواد اريدك تسترني وتستر سمعة اهلي لان اني مظلومه يكول كلتلها راح استرج وراح اساعدج لله
وظليت سهران وياها و جابت المره ولد و بالليل غسلتها وعدلتها وعدلت الطفل ولفيته واخذته قبل اذان الصبح وخليته في باب الجامع وظليت بعيد اراقب علما اجه شيخ الجامع راد يفتح الباب شاف الطفل شاله ودخل جوه والناس اجت للصلاة وطبيت وياهم وقسم من الناس تعرفني هنوني على عرسي ومن كملنه الصلاة
كال شيخ الجامع هذا طفل لكيته في باب الجامع منو منكم محتاج طفل يربيه
ايكول كلتله اني ياشيخ يكول الناس بالجامع كالولي اخذه و انت البارحه متزوج جديد اخذه وربيه عندك اخذتةالطفل ورجعت للبيت من دخلت لكيت امي واخواتي يم العروس
كلتلهم هذا الطفل لكاه شيخ الجامع وكال منو ياخذه كلتلهم اني يكول كلت الزوجتي شنو رأيج تقبلين تربينه يكول باوعت عليه وعيونها صبت دموع وكالت اي اقبل اربيه
يكول امي واخواتي كيفو من قبلت تربيه
ومن طلعو اهلي كالتي اسال الله ان يوفقك على عملك هذا واسأل الله ان يفتحها بوجهك و مايصيبك كل مكروه اذا عسرت دنياك وياك
واني ياربي ادعوك بهذا العمل ان تزيح الصخره من باب الغار
يكول وجان الصخره انزاحت من الباب وطلعنه سالمين
اكو ثلاثة رجال يمشون بطريق وترافكو وجمعتهم الصدفه وكل واحد منهم جاء من طريق مختلف والتقوا في هذا المكان وهم واحد مايعرف الاخر وظلو واحد يسأل الاخر وتعارفو وتبين ثلاثتهم ذاهبين الى نفس هذه المدينه البعيده تعبو من المشي والجو صار مترب ومطر كالو خلونا انشوفلنه مكان امين انبات بيه وباجر نطلع من الصبح شافولهم غار ودخلو بيه و تعشوا ونامو وكعدو الصبح لكو الغار اظلم و باب الغار من الهوي طايحه صخره جبيره من الجبل وساده عليهم الباب حاولو يدفعون الصخره ماكدرو بعد شيسون ظلو يدعون الله سبحانه وتعالى يفرج عنهم اكو واحد منهم
كاللهم اريد كل واحد من عدنه يذكر عمل خير مسويه بحياته خلي يسولفه النه ويدعي بيه بلكي الله سبحانه وتعالى بسبب هذا العمل يستجيب النه و يرفع عنا الصخره
سولف واحد منهم كال اني ماعندي احد بس اخوي واخوي متزوج وعنده اطفال وعدنه كاع اني وياه وتفلحنه و زرعناها والله سبحانه وتعالى رزقنا بزرعنا خير جثير
وكال اخوي خلينه نقسم المحصول بالنص وبقيت اخلي الي سهم واخوي سهم وكمت اخلي لخوي زياده من سهمي كلت هو صاحب عائله واني مامتزوج ونمت من التعب من كعدت لكيت اخوي يشيل من حصته ويخلي على حصتي
كلتله انت شجاي تسوي هو اني البارحه اخلي من حصتي على حصتك يكول كالي اخوي ليش تسوي هيج كلتله انت عندك عويل واني مامتزوج وهذا كافي عليه
كالي اخوي لا انت محتاج وراك زواج وبيت وريدك تكون نفسك ودعالي وكال اسأل الله لك ان ينقذك اذا كنت في عسر وضيق ان يفرج عنك
واني هسه اسأل الله سبحانه وتعالى بهذا العمل ان يزيح الصخره ويطلعنه سالمين
الثاني هم سولف كال اني عندي ابوي رجال كبير بالسن ومريض وعنده نوبات نسيان من يطلب شي هذاك اليوم جان وكت الغروب وطلب حليب وهو نايم على فراشه كلتله صار بويه هسه يجيك الحليب رحت حلبت المواشي وجبت الحليب وحميته على النار ومن جبته لكيته نايم وماكعدته وظليت كاعد يمه وكلما يبرد الحليب اروح ادفيه وجي اكعد يمه الى ان صار الصبح كعد ابوي وشافني كاعد كالي انت من يمته كاعد
كلتله من البارحه المغرب طلبت حليب وظليت وياك الى هذه الساعه وكلما يبرد الحليب اروح ادفيه وجيبه الك كالي ابوي بحق الباري عز وجل ان يحفظك وماتشوف اي مكروه بحياتك
واني بهذا الموقف ادعوك ياربي بهذا العمل ان تزيح الصخره من باب الغار
الثالث كاللهم قبل مااسولف اقسم عليكم قسم بأن سالفتي اذا سولفها تندفن بالكهف وماتسولف بغير مكان اذا طلعنه
كالوله جماعته سولف سرك ابير
كاللهم ردت اتزوج والوالده راحت شافتلي مره اهلها خوش ناس وعدها اخوان سبعه
وكملت اموري وتزوجت البنت من دخلت عليها ظلت البنت تبجي وكالتي اني امانة عندك وريدك تسترني تره اني مظلومه يكول
كلتلها كولي كالت اني حامل و هسه اطلك
وانت بكيفك ياابن الاجواد اريدك تسترني وتستر سمعة اهلي لان اني مظلومه يكول كلتلها راح استرج وراح اساعدج لله
وظليت سهران وياها و جابت المره ولد و بالليل غسلتها وعدلتها وعدلت الطفل ولفيته واخذته قبل اذان الصبح وخليته في باب الجامع وظليت بعيد اراقب علما اجه شيخ الجامع راد يفتح الباب شاف الطفل شاله ودخل جوه والناس اجت للصلاة وطبيت وياهم وقسم من الناس تعرفني هنوني على عرسي ومن كملنه الصلاة
كال شيخ الجامع هذا طفل لكيته في باب الجامع منو منكم محتاج طفل يربيه
ايكول كلتله اني ياشيخ يكول الناس بالجامع كالولي اخذه و انت البارحه متزوج جديد اخذه وربيه عندك اخذتةالطفل ورجعت للبيت من دخلت لكيت امي واخواتي يم العروس
كلتلهم هذا الطفل لكاه شيخ الجامع وكال منو ياخذه كلتلهم اني يكول كلت الزوجتي شنو رأيج تقبلين تربينه يكول باوعت عليه وعيونها صبت دموع وكالت اي اقبل اربيه
يكول امي واخواتي كيفو من قبلت تربيه
ومن طلعو اهلي كالتي اسال الله ان يوفقك على عملك هذا واسأل الله ان يفتحها بوجهك و مايصيبك كل مكروه اذا عسرت دنياك وياك
واني ياربي ادعوك بهذا العمل ان تزيح الصخره من باب الغار
يكول وجان الصخره انزاحت من الباب وطلعنه سالمين