رحيل
12-26-2021, 08:13 PM
ثگل حمل الصبر والناگه بي تگزل
مشت گوّه بحملها وبالرمل تنزل
بقت گشّه ونشوفنه الظهر مكسور
بلا حادي وهزيله وما بعد تحمِل
عصف ريح الفتن ماخذها يسره يمين
تحاذر والدرب طوّل تخاف تزل
اذا نوخت صعب تنهض بعد وتگوم
ثگيله ومحّد يعدلها لو تهدل
تره مال الحمل بس انته عنده چفوف
تعدل المايل وللي عوج تعدِل
ثقب ابره الخُلگ والدنيه كلها حبال
طلع صوته النبح چه ساكت اليصهل
اذا ما يزئر الليث ويخوف الغاب
امر واقع نعام البيها يستفحل
غزلها تخلبص وصارت عُگد سحّار
ضرير بلا أنامل ماعرف شيحل
اذا تسأل ، كسر ظهر الزمن فرگاك
عليه تگابلو ظلم وقهر والذل
يبو صالح وحقك ردنه بس اصلاح
اذا تظهر مطر فوگ الجمر يهطل
نطرناك ونظرنه معلگ اعله الباب
تأملنه وصبح حتى الامل يختل
نريدك يالحنانك غطه هذا الكون
مثل جدك محبه بكل گلب تشتل
الشاعر : ابو قاسم الملا
مشت گوّه بحملها وبالرمل تنزل
بقت گشّه ونشوفنه الظهر مكسور
بلا حادي وهزيله وما بعد تحمِل
عصف ريح الفتن ماخذها يسره يمين
تحاذر والدرب طوّل تخاف تزل
اذا نوخت صعب تنهض بعد وتگوم
ثگيله ومحّد يعدلها لو تهدل
تره مال الحمل بس انته عنده چفوف
تعدل المايل وللي عوج تعدِل
ثقب ابره الخُلگ والدنيه كلها حبال
طلع صوته النبح چه ساكت اليصهل
اذا ما يزئر الليث ويخوف الغاب
امر واقع نعام البيها يستفحل
غزلها تخلبص وصارت عُگد سحّار
ضرير بلا أنامل ماعرف شيحل
اذا تسأل ، كسر ظهر الزمن فرگاك
عليه تگابلو ظلم وقهر والذل
يبو صالح وحقك ردنه بس اصلاح
اذا تظهر مطر فوگ الجمر يهطل
نطرناك ونظرنه معلگ اعله الباب
تأملنه وصبح حتى الامل يختل
نريدك يالحنانك غطه هذا الكون
مثل جدك محبه بكل گلب تشتل
الشاعر : ابو قاسم الملا