رحيل
11-14-2021, 09:22 AM
بقطار و ردنا نعبر حرب الايام
و بأرض الحرام وصاح نازل
قصتنا حقيقة بحلگ مجنون
مامستوعب يصدگها عاقل
مو مشكلة الدنيا شجابت جروح
بس المشكلة لي هسة حامل
اغصان الوطن باجر مصاييد
العصفور الترف سموه مقاتل
تجار الحروب تحط قوانين
الماقاتل امس باجر يقاتل
حفاظا على الدين البايگ يفوت
وكبال الصدك تحيا السلاسل
مرة متهم مرات مظلوم
ماندري العمر مكتول كاتل
صناع الامل ضاعو فرد نوب
وبالشاشات صناع المشاكل
الغلط بالخطوة لو بعقول الكبار ؟
نعبر مرحلة ونرجع مراحل
البيت مفلش وعطلتنة يومين
ورا كل ساف يبني انطيني فاصل !
صحينا وگلنة لازم ننتبه زين
وعزلنا الفاشل وحطينة فاشل
اللازم فعل مو لازم و روح
مو بس نختلف تحيا القنابل
لازم كل رسالة نبوسها بشوك
بس بالطف نشتمها الرسايل
المرايا التسوي النورس غراب
واجب تنشتل نص المزابل
نخلة على الرصيف بلا ثمر ليش
لازم نعلن الفلاح عاطل
من تحجي الصدك تستغرب الناس
بنص المگبرة وتسمع هلاهل
التجارب علمتنا سوالف هواي
واخذ من العراق الدرس كامل
لو راد الشعب يصنع ملك زين
بس الشعب يصنع ملك قاتل
اليمد ايده بتقاطع عنده بيرين
لو جان اليوزع النفط عادل
الحسين الحقيقي لوحده يعيش
اذا شاف اليصرح بسمه جاهل
الماخلة احترام لمدرسة تعيش
اتوقع للغباء يصير شامل
بعد مانلگة رحلة وبيها طلاب
مدام البوم نايم بالمعامل
ومدام انترس عقلك كله تعليب
بعد كل قيمة ماضل للسنابل
كل جناح من ايشوفك ايطير
مدام بكلبك الصياد خاتل
راحة بالك من المستحيلات !
كل الدنيا تصعد وانت نازل ؟
الهوا المخنوك من تتنفسه تموت
والجوعان مايطيك تاكل
خبزتك تنسلب اجلت الحوارات
فزز بيك اباذر خل يقاتل
النخل واكف بطوله ايشتم الجوع
المفروض ابد مايبقى سائل
نسينا احلامنا ونترس شواجير
وشگد احلام دفنتها القنابل ؟
و بأرض الحرام وصاح نازل
قصتنا حقيقة بحلگ مجنون
مامستوعب يصدگها عاقل
مو مشكلة الدنيا شجابت جروح
بس المشكلة لي هسة حامل
اغصان الوطن باجر مصاييد
العصفور الترف سموه مقاتل
تجار الحروب تحط قوانين
الماقاتل امس باجر يقاتل
حفاظا على الدين البايگ يفوت
وكبال الصدك تحيا السلاسل
مرة متهم مرات مظلوم
ماندري العمر مكتول كاتل
صناع الامل ضاعو فرد نوب
وبالشاشات صناع المشاكل
الغلط بالخطوة لو بعقول الكبار ؟
نعبر مرحلة ونرجع مراحل
البيت مفلش وعطلتنة يومين
ورا كل ساف يبني انطيني فاصل !
صحينا وگلنة لازم ننتبه زين
وعزلنا الفاشل وحطينة فاشل
اللازم فعل مو لازم و روح
مو بس نختلف تحيا القنابل
لازم كل رسالة نبوسها بشوك
بس بالطف نشتمها الرسايل
المرايا التسوي النورس غراب
واجب تنشتل نص المزابل
نخلة على الرصيف بلا ثمر ليش
لازم نعلن الفلاح عاطل
من تحجي الصدك تستغرب الناس
بنص المگبرة وتسمع هلاهل
التجارب علمتنا سوالف هواي
واخذ من العراق الدرس كامل
لو راد الشعب يصنع ملك زين
بس الشعب يصنع ملك قاتل
اليمد ايده بتقاطع عنده بيرين
لو جان اليوزع النفط عادل
الحسين الحقيقي لوحده يعيش
اذا شاف اليصرح بسمه جاهل
الماخلة احترام لمدرسة تعيش
اتوقع للغباء يصير شامل
بعد مانلگة رحلة وبيها طلاب
مدام البوم نايم بالمعامل
ومدام انترس عقلك كله تعليب
بعد كل قيمة ماضل للسنابل
كل جناح من ايشوفك ايطير
مدام بكلبك الصياد خاتل
راحة بالك من المستحيلات !
كل الدنيا تصعد وانت نازل ؟
الهوا المخنوك من تتنفسه تموت
والجوعان مايطيك تاكل
خبزتك تنسلب اجلت الحوارات
فزز بيك اباذر خل يقاتل
النخل واكف بطوله ايشتم الجوع
المفروض ابد مايبقى سائل
نسينا احلامنا ونترس شواجير
وشگد احلام دفنتها القنابل ؟