هتكبر وتكبر
وفي راسك الشيب يكتر
هتلف تلف تدور
مش هتلاقي فيه حد جنبك
في كلام غيره انا بسمعك
اخ وراح من زمن
وتاه في دروب حياه
اب وام ماتوا وفاتوا
وسيبولك الفين اه
صاحب وخان عشرتك
موقفش مرة في محنتك
يا قلبي في اخر رحلتك
ارجع بقى لله
ارجع بقى لله
الدنيا ياما روحت فيها
مشيتها شرق غرب
وطرت فوق في العلالي
مسيرك تاني للارض
اللي خانوك ما خونك
ما تسبيهم يودعوك
ما انت اشتريت وباعوك
انصح بقى لله
الرحلة لو كانت طويلة
مسيرها تنتهي
لو عشت فيها مليون ليلة
في ليلة هتختفي
سيبك بقى من الماضي
ارمي الهموم خليك فاضي
وارضي بنصيبك وقول راضي
وسمي باسم الله
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات
آخر تعديل محمد البهلوان يوم
12-06-2023 في 05:45 PM.
22 أعضاء قالوا شكراً لـ محمد البهلوان على المشاركة المفيدة:
عضويتي 
حاسب من الايام بقلمي الشاعر محمد البهلوان
العرض العادي
